CHOMBEZO ZA ME&U

CHOMBEZO: TARATIBU SHEMEJI

ME&U

SEHEMU YA 1

Inawezekana umekata tamaa na huoni mtu mwingine wa kumpa nafasi katika moyo wako kwa sababu tu umeishaumizwa na kulizwa vya kutosha, umeishateseka sana kiasi ambacho umefika sehemu huoni mwanaume au mwanamke mwingine ambaye unaweza kumpa moyo wako kwa kuamini kuwa yawezekana na yeye ni wale wale waliozoea kuumiza.

Ama kweli mapenzi fumbo la ajabu sana katika mafumbo yote yaliyowahi kutokea duniani, fumbo ambalo kulifumbua kwake ni ngumu. Na kama ni janga basi janga linalowaumiza vichwa walio wengi ndani na nje ya uhusiano, wasomi na wasio wasomi, matajiri kwa masikini, wenye akili na wasio na akili, wastaarabu na hata watukuti kwani wapo wanaotamani kuingia penzini huku wengine wakipigana kufa na kupona kujinasua katika penzi hilohilo lakini nadhiri ikiwasuta na kuwakatalia.Najua unaona hakuna mwingine wa kumpa moyo wako kwa sababu tu uliyempa awali alikuumiza, alikutesa, alikuliza, alikusimanga, alikunyanyasa kisa kikiwa ni mapenzi, penzi lake ambalo ulilithamini na kulipenda lakini bado mwisho wa siku kimekuumiza vya kutosha.Yawezekana wewe ni mmoja wa wale ambao nawazungumzia kwenye simulizi hii ambayo wameumizwa na hawana tena hamu na mapenzi, hawako tayari kabisa kuwa na mpenzi kwa kuhofia hata huyo atakayempata ni kama aliyewahi kumuumiza. Tapeli wa mapenzi kama yule ambaye alimwamini lakini mwisho wa siku akamtapeli kwa kushindwa kujua thamani ya pendo lake kwake.Uliteseka juu yake, ulimsaidia sana pale alipokwama, ulijitoa alipokuhitaji, ulimpenda na kumfariji alipohitaji farijiko lako lakini leo hauko naye tena, aidha kwa kukuacha, kumuacha au kuachana kwa sababu tu umechoshwa na vioja vyake.

Ulimpa furaha alipokuwa na huzuni, ulisimama pembeni ya ubavu wake mliopoenda dukani kukununua bidhaa, ulimshika kiunoni mwake mlipokuwa bichi lakini yote hayo ni kama simulizi iliyowahi kutokea ilihali wewe ukitamani ingekuwa ni tamthilia inayoendelea.Wewe ni mmoja wa wale ambao wamekuwa wakijiuliza kila siku kuhusu kukosa mtu wa kumpa moyo wako, au umewahi kusikia rafiki, ndugu au jamaa yako akilalamika au kusema maneno hayo basi kaa nae chini umwambie jinsi unavyojisia kuumia juu yake kwa yale aliyofanyiwa.Haya twende sasa kushuudia kisa hiki cha kusisimua.

Jumapili moja baada ya kula chakula cha usiku, baba mzazi wa kijana Ramadhani ambaye wengi walipenda kukatisha jina lake na kumwita Rama au Ramso,akiwa ameketi sebuleni na kijana wake huyo aliyehitimu kidato cha nne, alimweleza kwamba kwa wakati ule hakuwa na fedha za kuweza kumuendeleza kielimu hivyo atafute kazi mjini ili kujikimu na maisha.Wakati mzee huyo aliyepewa jina la utani la Kila, akimweleza hivyo, mkewe alikuwa akimsikiliza ambapo alimuunga mkono mumewe kwani hali yao kiuchumi aliielewa vizuri.

“Ramso, ni kweli kabisa kwa hivi sasa baba yako hana fedha na unaona jinsi familia yetu ilivyo kubwa na wote tunamtegemea yeye, mimi nakubaliana na ushauri wake wa wewe kutafuta kazi  mjini au kufanya vibarua ambavyo vitakuwezesha kupata riziki yako na yetu,” mama huyo alimwambia kijana wake.

Ramso kijana ambaye tangu udogo wake ni handsome boy kiasi cha kuwavutia wasichana wengi wakiwemo watu wazima, aliposikia kauli hiyo ya wazazi wake aliinamisha kichwa na kuanza kufikiria hatima ya maisha yake ingekuwaje.

“Hivi baba, huwezi kuuza lile shamba la mpiji magoe ili fedha zitakazopatikana niweze kuendelea na masomo nitimize ndoto zangu za kuwa mhasibu?” Ramso alimuuliza baba yake.

Baba yake alimfahamisha kwamba baada ya mambo yake kuanza kumwendea kombo, aliuza nusu ya shamba hilo na nusu iliyobaki asingeweza kuiuza kwani alipanga iwasaidie wadogo zake ambao walikuwa wadogo wakisoma.

Kwa kuwa Ramso alikuwa akielewa ukubwa wa familia yao na jinsi mzazi wake alivyokuwa akihangaika kuitunza, akawa hana jinsi zaidi ya kuingia mitaani kusaka kibarua chochote ambacho kingemuwezesha kupata fedha.

“Okey baba na mama, kwa kuwa naielewa hali halisi ya maisha yetu hapa nyumbani, nitazungumza na rafiki yangu Chidy ili niongozane naye kwenye shughuli zake za kuuza mitumba,” Ramso aliwaambia wazazi wake.

Alipotoa kauli hiyo, baba yake licha ya kujiuliza moyoni kama kweli Ramso aliyemlea kimabavu angeweza kufanya kazi ya kuuza mitumba lakini hakutaka kumuonesha wasiwasi wake, akamwambia sawa.

Baada ya mazungumzo hayo, Ramso aliwaaga wazazi wake na kwenda kwenye chumba alichokuwa akilala na wadogo zake wawili kilichokuwa uani, alikuwa mtu mwenye mawazo mengi sana akawa anatafakari ugumu wa maisha uliokuwa ukiwakabili.

Chumbani kwa wazazi wake, baba na mama yake walimjadili sana kijana wao kama angeweza kufanya kazi ya kuuza nguo mnadani lakini baadaye walikubaliana wasubiri kuona matokeo.

Alfajiri na mapema kijana Ramso alikwenda kumgongea rafiki yake chidy ambaye alikuwa akiuza mitumba buguruni aliyekuwa akisifika sana kwa umahiri wake wa kumnadi mteja mpaka akanunua nguo kwa pesa ndogo maeneo mbalimbali ya Jiji la Dar kwa kazi yake hiyo.

“Niambie Ramso, naona leo umenivamia alfajiri yote hii, umekwama nini?” Chidy aliyekuwa akimpa fedha Ramso siku moja moja alipokwama alimwuliza.

“Ukiacha kukwama, leo nataka tuongozane huko buguruni unakokwenda kuuza nguo japo nikakusaidie kazi yoyote maana mtoto wa kiume kumtegemea baba kila kitu haipendezi,” Ramso alimwambia chidy.

“Yaani Ramso na huo usharobaro wako unataka kwenda kufanya kazi ya kutapanya maneno na kuwavuta wakina dada, utaweza kweli?” Chidy  alimwambia....ITAENDELEA

Kwa ushauri wa UHUSIANO na UJASIRIAMALI jiunge na Mi&u WhatsApp:+255679979785 au tufollow Insta@mimi_na_uhusiano, Facebook Page: Mimi na Uhusiano au tembeleawww.miminauhusiano.blogspot.com

Kwa ushauri wa UHUSIANO na UJASIRIAMALI jiunge na Mi&u WhatsApp:+255679979785 au tufollow Insta@mimi_na_uhusiano, Facebook Page: Mimi na Uhusiano au tembeleawww.miminauhusiano.blogspot.com