KWA NINI HUTAKI KUKUBALI UNAPOKOSA!

Nimshukuru Mungu kwa wema wake alionitendea leo katika mzunguko mzima wa shughuli zangu za kila siku, ikiwemo kuninuthuru na mambo mbalimbali ya kiovu. Bila shaka na wewe unaposoma makala haya huna budi kusema asante Mwenyezi Mungu kwa kunisimamia katika kuimaliza vyema siku ya leo.

Katika somo la leo tutajifunza  kuhusu tabia za baadhi ya wapenzi kutokuwa na tabia ya kukubali pindi wanapokosea na badala yake wanang’ang’ana na kusababisha mtafaruku mkubwa katika uhusiano wake.

Baba au mama bora ni yule ambaye anajifunza kutokana na makosa pindi anapokosea, hata mpenzi, mchumba anayefaa au unayefaa ni yule mwenye tabia ya kukubali unapokuwa umekosea.

Kitu kinachosikitisha ni baadhi ya wapenzi kukataa katakata kuwa hawajakosea hata kama wamekosea, kiasi kwamba mtu yeyote akija na kusimuliwa namna ilivyokuwa anabaini kuwa wewe ni mkosaji lakini hutakikukubali  ukweli, hivu kwa nini hutaki?

Unajihisi wewe ni malaika ambaye huwezi kukosea, au unahisi wewe ni mkamilifu sana kuliko penzi, mchumba au mwenza wako. Jifunze kutokana na makosa. Lakini unapokosea na kukataa kwa kusudi unamfanya hata mwenza wako kujiona yeye ndiyo mkosaji na mnyonge kila siku. Wakati mwingine unaweza kummwathiri kisaikolojia, kwani muda mwingi atakuwa anakaa na kuona unamuone mara nyingi hata kosa linapokuwa lako unalazimisha liwe lake.

Katika maisha ya kila siku kuna mambo mengi ambayo unakutanana nayo, kuna vishawishi mbalimbali ambavyo vinakusakama kila upitapo kwa lengo la kumaliza, kuvunja uhusiano au kukugombanisha na mpenzi wako.

Kaa ukijua hakuna mtu ambaye anaweza kufurahia wewe na mpenzi, mchumba, mume au mke wako mnavyoishi kwa furaha wakati yeye kila siku ni ngumi na minyukano ya hali ya juu, ni dhahili mtu mwingine atafanya juu chini kuhakikisha anakugombanisha au kukuona na wewe ukipata karaha kama ambavyo anazipata yeye.

Hiyo ndiyo hila kubwa ya shetani kwa mwanadamu, anaweza kumtumia jirani, ndugu,  rafiki, mfanyakazi, mwanachuo mwenzako ilimradi tu kuuharibu  wako.

Basi unapoteleza, kaa chini na jitathimini kwa kujikagua toka mwanzo wa siku kwa maana ya asubuhi, mapito yako nahata kurudi kwako nyumbani, kwa kufanya hivyo utaweza kubaini ni wapi umemkwaza kipenzi chako. Na kama ukigundua sehemu ulipomkwaza basi kubaliana na kosa kwa kumuomba radhi na kisha jiepushe, jichunge kurudia kosa lile lile kwani kufanya hivyo ni kama dharau, ni kama unalitumia vibaya neno msamaha.

Kwa leo naomba kuishia hapa nawashukuru wale wote ambao wanaendelea kuchangia gharama za uendeshaji wa M&U na nitaoa mrejesho wa mchango wa Taasisi ya M&U kuhusu mkakati wa kuanzisha chuo cha ushonaji.

Kwa Ushauri Wa Uhusiano, Mada Za Mahaba, Hadithi, Machombezo, Mikasa Ya Kweli Ya Mapenzi Na Ujasiriamali. Jiunge na M&U SMS au M&U WhatsApp kupitia Na. +255679979785

Pia tembelea www.miminauhusiano.blogspot.com

Insta:@mimi_na_uhusiano au tembelea ukurasa wetu wa Mimi na Uhusiano kwenye Bonyeza Hapa

Na.M&U