USIKATE TAMAA KWA SABABU YA KUACHWA

Mungu ni mwema na mwenye upendo wa dhati kwetu sote kwa yeye kutuunganisha na kuwa kitu kimoja kupitia #Mi&U. Nikushukuru wewe ambaye umekuwa sehemu ya #Mi&U tangu kuanzisha hadi sasa. Najua kuna mengi ambayo unayapitia katika maisha yako ya kila siku yawe ya mapenzi au kawaida.

Vivyo hivyo hata Mi&U inapitia mambo na changamoto mbalimbali katika kujiimarisha zaidi. Kuna wakati unatokea huduma zetu ambazo zilikufanya ukajiunga nasi zinalegalega kwa sababu maalumu lakini hatuwezi kuanguka hata kama tutayumba kwa myumbo mkubwa na mkali. Hata wewe pia kwenye maisha yako ya kazini, shuleni, ibadani, biasharani na hata mapenzi umekuwa na changamoto, maumivu, mateso na majonzi ya kila aina.

Nimepata nafasi hii kwa kudra za Mwenyezi Mungu sina budi kukusihi kuendelea kupambana pamoja na kila aina ya myumbo ambao umekuwa ukikutana nao. Mapenzi ndiyo hasa yanayoongoza kwa kukuyumbisha kwa kipindi fulani, lakini kama mwanaMi&U ambaye umekuwa ukishiriki nasi katika mada, maoni na ushauri mbalimbali, usikubali kuyumba kwa sababu ya mapenzi. Jipe imani kuwa Mungu yuko upande wako wakati ukijipigania na yeye pia anakupigania.

Usikate tamaa wewe ambaye umeachwa na mpenzi, mchumba au mwenza wako kwa namna yoyote ile, iwe kakutelekeza na familia au lah, iwe kakuacha na ujauziti anahudumia au ahudumii, usikubali kukata tamaa kamwe. Naliona sononeko lako wewe mwanamke ambaye umefikwa na mumeo au mkeo, umelia, sasa imetosha acha maisha yaendelee kwani mapito hayo yaliwekwa katika maisha yako ili uyashinde na uingine katika nchi ya ahadi yenye mito ya maziwa na asali lakini kama utashindwa basi watu watakucheka, watakudharau, hata yule ambaye amekuacha utakuwa umempa kichwa na kujiona kuwa bila yeye huwezi kuishi lakini ukweli ni kwamba unaweza kuishi.

 Nakushuruku wewe mwanamke ambaye umetelekezwa na mumeo lakini umekubaliana na ukweli na unapambana na hali yako kuhakikisha unawasomesha watoto wako kwa uchungu na matesio makali lakini nakwambia Mungu hawezi kukunyima kila kitu.


 Kuna mateso na changamoto ambazo unaweza ukawa unapewa ili kupimwa ni kwa namna gani akili uliyopewa inaweza kufanya kazi katika maisha yako. Unapimwa kungaliwa ni kwa namna gani unaweza kuwa mvumilivu na mwenye kukabiliana changamoto mbalimbali. #USIKUBALI #KUSHINDWA #KUKATAA #TAMAA #KUJIONA #DHAIFU AU #HUWEZI

Kwa Ushauri Wa Uhusiano, Mada Za Mahaba, Hadithi, Machombezo, Mikasa Ya Kweli Ya Mapenzi Na Ujasiriamali. Jiunge na M&U SMS au M&U WhatsApp kupitia Na. 0679979785. Pia tembelea www.miminauhusiano.blogspot.com
Insta:@mimi_na_uhusiano au tembelea ukurasa wetu wa Mimi na Uhusiano kwa ku-Bonyeza Hapa Na.M&U