BODA BODA VS CHANGUDOA

Kazi yake ya bodaboda, uaminifu, ustaarabu na upole aliokuwa nao kwa wateja wake ndiyo hasa uliomfanya Joakim kuwa na wateja wengi sana katika eneo lake la kazi (Kijiwe kama wengi wanavyoita), lililopo Sinza Makaburini jijini Dar.

Wafanyakazi, wanafunzi, wafanyabiashara na wengineo wanaoishi maeneo hayo ya

jirani walipenda sana kumtumia Joakim katika shughuli zao mbalimbali kama kuwabebea mizigo yao na kuwapelekea nyumbani hata kwenye mishemishe zao za kila siku, jina lake likafahamika na kuwa maarufu sana miongoni mwa wafanyabiashara ya usafiri wa pikipiki maaruku kama 'bodaboda,'na kujikua akibadilishwa jina na wateja wake kutoka Joakim na kufupishwa kwa kuitwa Kim.

Ugumu wa maisha ndiyo ambao ulipelekea Kim kutoroka kijini kwao Mkoani Morogoro na kukimbilia jijini Dar ili kujikwamua katika ugumu wa maisha aliokabiliana kama ilivyo kwa Watanzania wengi. Alipofika jijini haku na ndugu yeyote wala jamaa jambo lililopelekea miezi kadhaa kulala katika Kituo cha Mabasi yaenda Mikoani cha Ubungo, na hatimaye akawa maarufu sana kituoni hasa kutokana na kujishughulisha kazi ya kubeba mzigo ya abiria kama wafanyavyo vijana wengine.

Aliendela na kazi hiyo kwa uamini kwa sababu ni sehemu ya talanta yake aliyozaliwa nayo, na aliaminika zaidi na hata baadhi ya vijana wenzake na hata viongozi wa kituo hicho, hasa katika kufanya kazi na kupata hesa ya

halali kuliko kumtendea mabaya binadamu mwingine.

Maisha yalizidi kusonga na akiendelea na kazi ya ukuli kwa kubeba mizigo ya abiria wanaoingia kwa wingi na kutoka Kituo cha Ubungo kila siku.

Baada ya kukaa kwa muda mrefu akifanya kazi ya ukuli akabaini ili aweze kukabiliana na kasi ya Serikali ya Awamu ya Tano ya Rais Dk. John Pombe Magufuli inabidi afikirie namna ya kujikwamua au kufanya kazi nyingine ambayo itamsaidi maisha yake. Kitu cha kwanza harakaharaka alichokifikiria kukifanya ni kujifunza udereva kwani elimu yake ya darasa la nne ndiyo ilimpa shaka sana ya kupata kazi nyingine.

Alijipinda kwa miezi sita akipigana huku na kule kuhakikisha amepata shilingi laki moja ambayo itamsaidia kulima hela kwa mmoja wa madereva wa pikipiki ili amfundishe lakini pia hela ile imsaidie katika matumizi yake ya kila siku. Hatmaye Kim alifanikiwa kutunza  kiasi cha pesa alichokihitaji na ndipo hapo alipopata nguvu ya kwenda kwa Yule dereva wa pikipiki aliyekuwa anamfikiria na kuongea naye kuhusu kumfundisha kuendesha.

Kwa kuwa hakuwa anatania alifika na kuongea naye kasha akatoa noti ya shilingi elfu kumi na kumkabidhi yule dereva wa pikipiki na kumwambia anaomba awe anamfundisha kuendesha kama yeye, jamaa alikubali kwa haraka na kumuona Kim kama mtu aliyejua shida yake ya siku hiyo kwani pamoja na siku kuwa inaelekea kuisha hakuwa amekamilisha hesabu ya bosi wake jambo lililokuwa linamuumiza sana akili na kufikiria mtu wa kumkopa ilimradi tu akamilishe hesabu ya bosi wake.

 Walipanga siku na muda wa kuanza kujifunza namna ya kuendesha pikipiki na hatimaye baada ya mwenzi mmoja Kim akawa amefahamu kuendesha pikipiki na kuifanya roho yake kuwa na shauku ya kupata pikipiki ya kuendesha kama njia moja wapo ya kufanya biashara na ikiwezekana aache kabisa pale Ubungo.

Haikuwa kazi ngumu sana kwa Kim kupata pikipiki kwani yuleyule mwalimu wake wa kuendesha ndiye aliyemsaidia kupata pikipiki kwa kumuunganisha na mmoja wa mama ambaye alikuwa amenunu pikipiki mbili baada ya kupata kiinua mgongo chake. Mama Yule alipomuona Kim alivutiwa naye na nkumuamini kasha akampa pikipiki yake kwa sharti la kuitunza na kuipenda kama yak wake.

Ni Alfajiri ya Jumatatu Kim aaliamaka kwenda kwa mama mwenye pikipiki na kuichukua kasha kuelekea nayo katika kijiwe kilichopo Sinza Makaburini na kupaki pikipiki yake mpya kwa ajili ya kusubiri wateja kama wafanyavyo wenzake, baada ya wiki, mwezi na hatimaye miezi Kim alikuwa kishafahamika sana na kuwa na wateja kibao wa kuwasafirisha sehemu mbalimba za Jiji la Dar. 

Ni mwaka sasa umekatika Kim  akiwa amefanikiwa kuwa na geto lake nzuri lenye godolo moja, kitivi cha kiaina ba baadhi vyombo vya kuwekea maji pindi anaporudi kutoka kwenye mizunguko yake. Akiwa bado yuko eneo lake la kazi akijiandaa kuondoka ghafla akatokea msichana mmoja mzuri sana kimuonekano lakini alikuwa amevaa nusu uchi, wakati Kim akiendelea kumshangaa mrembo yule, akazidi kushangaa zaidi kuona mrembo yule anazidi kumsogelea. Wakati huo ilikuwa ni majira ya saa 3 usiku, wenzake wakiwa wameishatawanyika makwao. 

Je, mrembo yule atakuwa ni nani? na anataka nini kwa Kim?

Na M&U