MISINGI MITANO (5) YA KUFANIKIWA KATIKA UJASILIAMALI

Katika ulimwengu wa sasa ambao ajira zimekuwa ngumu na shida kupatikana, ujasiriamali na biashara vimekuwa ndio kimbilio la wengi. Watu wengi wanaingia kwenye biashara kama njia kuu ya kujipatia kipato.
Pamoja na biashara kuonekana kuwa kimbilio la wengi sio wote wanaoingia kwenye biashara wanafanikiwa. Tafiti zinaonesha kwamba asilimia tisini ya biashara zinazoanzishwa zinakufa mwaka mmoja baada ya kuanzishwa. Na hata hizo zinazovuka mwaka mmoja asilimia tisini hufa baada ya miaka mitano. Hivyo kama mwaka huu zimeazishwa biashara mia moja basi miaka mitano ijayo ni biashara moja tu itakayokuwa bado inadumu.

Kwa nini biashara nyingi zinashindwa kudumu?

Biashara nyingi zinakufa kutokana na ukosefu wa elimu muhimu kuhusiana na biashara na ujasiriamali. Watu wengi wanaoingia kwenye biashara wanaingia kwa kuangalia tu ni kitu gani watu wengine wanafanya na wao kufanya hivyo hivyo.

Biashara ni rahisi sana kufanya ila ni ngumu kuendesha na kuikuza mpaka iweze kukupa faida kubwa sana. Ili uweze kuendesha na kukuza biashara itakayokupa faida kubwa ni muhimu kuchukua muda na kujifunza vitu vya muhimu vinavyohusiana na biashara.

Leo tutajifunza misingi mitano muhimu ya biashara ambayo kila biashara inatakiwa kuizingatia. Wewe kama mjasiriamali una jukumu la kujifunza na kufuata misingi hii ili uweze kufikia malengo yako kwenye ujasiriamali na biashara.

Misingi mitano muhimu ya biashara.

Ili biashara yoyote iweze kudumu na kukua inahitaji kufuata misingi ifuatayo.

1. Kutengeneza thamani.

Ili biashara iweze kukua na kutengeneza faida ni lazima itengeneze bidhaa au huduma ambayo ni ya thamani kwa wateja. Ni lazima utoe bidhaa au huduma ambayo watu wanaihitaji sana ili kuboresha maisha yao. Kama hujaanza biashara fikiria ni kitu gani cha thamani ambacho watu wanakihitaji ila wanakikosa, kisha anza kuwapatia na utajenga biashara kubwa. Kama tayari unafanya biashara angalia ni kitu gani cha thamani unachotoa kwa watu na angalia jinsi unavyoweza kuboresha ili kupata wateja wengi zaidi.

2. Soko.

Kuwa na kitu chenye thamani pekee bado haikutoshi kutengeneza biashara kubwa, ni lazima kuwe na soko linalohitaji bidhaa au huduma hiyo. Hata kama soko lipo bado sio rahisi kwa kila mtu kujua kwamba unatoa huduma muhimu. Hivyo ni muhimu kutafuta soko la biashara yako kwa njia mbalimbali zikiwemo matangazo. Inakubidi uhakikishe watu wanajua uwepo wa biashara yako na utengeneze uteja ili watu waje kupata thamani unayotoa. Kukosa soko la uhakika ni chanzo cha kufa kwa biashara nyingi.

3. Kuuza.

Ili biashara ikue ni lazima uweze kuuza thamani uliyotengeneza. Ni muhimu uweze kuwashawishi watu wanunue bidhaa au huduma unayotoa. Kuuza ndio moyo wa biashara ambapo kama usipokuwa makini ni rahisi kwa biashara kufa.

4. Kufikisha thamani.

Kama umewaahidi wateja wako kwamba bidhaa ama huduma unayotoa itaboresha maisha yao basi hakikisha hicho ndio kitu kitakachotokea kwa wateja. Ni lazima uweze kufikisha thamani uliyoahidi kwa wateja. Kwa kushindwa kufanya hivi wateja watakuona wewe ni tapeli na hawatanunua tena bidhaa yako. Kama biashara itashindwa kutengeneza wateja wanaojirudia ni lazima itakufa.

5. Fedha.

Usimamizi wa fedha ni muhimu sana kwenye biashara. Ili biashara iweze kudumu ni lazima iweze kutengeneza mapato makubwa kuliko matumizi na uzalishaji. Ni lazima iweze kuzalisha fedha za kutosha kuiendesha na ibaki faida. Ukosefu wa fedha unaotokana na mauzo kidogo na matumizi makubwa ndio chanzo cha kufa kwa biashara nyingi.

Misingi hii mitano ni muhimu sana kwa biashara. Hakuna msingi ambao unaweza kusema ni muhimu zaidi ya mwingine, yote inategemeana. Ili biashara yoyote iweze kudumu ni muhimu kuzingatia misingi hiyo.
BY: TATU KIONDO

Read More

SABABU 5 ZINAZOWEZA KUCHANGIA HEDHI YAKO KUCHELEWA

Wasichana wengi huanza kutawaliwa na hofu kila wanapoona wakati wa kuonda siku zao (hedhi) umefika halafu hawaoni hali ikijitokeza.

Wengi wanapoona hali hiyo mawazo yao yote hueleka kuwa wameshashika ujauzito, lakini kumbe hali hiyo huweza kutokea kutokana na sababu mbalimbali zikiwemo hizi hapa 5 chini;-

1. Huweza kuwa ni mabadiliko ya homoni mwilini

2. Mabadiliko ya uzito wa mwili

3. Msongo wa mawazo

4. Mpangilio au mabadiliko ya mlo

5. Maambukizi kwenye via vya uzazi

#Mi&U @mimi_na_uhusiano

CHANZO: MASENGA

Read More

MKE KANIACHA, KAENDA KUUZA BAA!

Nilianza kuishi na mwanamke ambaye nilimpenda mwaka 2001' hatimaye Mungu akatujalia kupata watoto wawili. Mimi nikiwa ni mfanyabiashara wa mchele yeye akiwa ni mama wa nyumbani.
Juzi tu mke wangu kabadilika, kaondoka kwangu kaenda kuuza baa. Kila nikimuuliza tatizo haniambii zaidi ya kusema yeye na mimi sasa basi.

Naombeni ushauri wenu kwani bado nampendake wangu, pamoja na kwamba hatujafunga ndoa.

#Mi&U @mimi_na_uhusiano

Read More

MAMBO 3 AMBAYO YANAWEZA KUKUFARIJI KATIKA MAIHA YAKO

 

“KILA JAMBO LINA WAKATI WAKE”

Wakati au muda ni kitu ambacho hakina mipaka. Hakuna jambo au kitu kisichokuwa na wakati wake na mwisho wake. Kwa maana kuwa, muda/time ndio suluhisho la mambo mengi. Kila jambo lina mwisho na wakati wake. Hata shida ulizo nazo zina kikomo chake ambacho zitaisha. Kila unapokuwa katika kipindi kigumu tambua kuwa kipindi hicho kitapita tu kwani kina mwisho wake. Lakini pia kumbuka kuwa hata unapokuwa katika kipindi cha raha, nacho kina mwisho wake. Hivyo ukiwa katika tafakari hizo katika shida na raha, ridhika na kila ulichonacho.

2 - “UNAWEZA KUWA NA FURAHA PALE UNAPOAMUA KUWA NA FURAHA, KWANI FURAHA NI MTAZAMO WA MTU NA SIO UHALISIA KAMILI”

Umeshawahi kujiuliza furaha maana yake ni nini? Inaweza ikawa na maana tofauti kwa watu tofauti mfano, wapo wanaoona furaha ni pesa, wengine huona furaha ni kutenda mema, wengine hutafsiri furaha ni raha, urembo au chochote ambacho wanaona kinawapa furaha. Lakini ukweli ni kuwa, furaha ni fikra. Unaweza kuwa na furaha pale unapoamua kuwa na furaha hata kama mazingira na hali iliyokuzunguka inakupa huzuni. Angalia katika maisha yako, shukuru kwa kila jambo na weka mtazamo chanya katika mawazo na fikra zako. 

3 - “SHUKURU KWA KILA JAMBO”

Kila kitu kina faida na hasara yake. Badala ya kulaumu kila kitu katika maisha yako unaweza kuangalia katika upande mwingine. Mfano, badala ya kuumia na kupoteza muda katika kufikiria ni changamoto gani unazo katika maisha unaweza kubadilisha mtazamo wako na kuangaliza faida za changamoto katika maisha na kuacha kuwaza maumivu yake. Changamoto hutujenga katika maisha na bila changamoto huwezi kuendelea mbele.

Tuzidi kuchukuru kwa kila jambo katika maisha.

Kwa Ushauri Wa Mahusiano, Mada Za Mahaba, Hadithi, Machombezo, Mikasa Ya Kweli Ya Mapenzi Na Ujasiriamali. Jiunge na M&U SMS au M&U WhatsApp kupitia Na. 0679979785.

Pia tembelea www.miminauhusiano.blogspot.com, Insta:@mimi_na_uhusiano au tembelea ukurasa wetu wa Mimi na Uhusiano kwa ku-Bonyeza Hapa

Read More

NJIA NNE ZA KUNOGESHA PENZI LAKO

KUPITIA safu hii uipendayo, leo ninakupa njia nne zitakazolifanya penzi lako liendelee kunoga, hata kama litakuwa limeanza kufubaa utaliamsha upya.
Wengi wamekuwa hawaelewi mambo mengi kuhusu uhusiano ndiyo maana huishia kulalamika kwamba wanapenda sana lakini mwisho wa siku huishia kutendwa.
Hakuna mtu ambaye hahitaji faraja, kila aliyekuwa na mpenzi wake anahitaji kuwa na furaha. Hakuna mtu ambaye anaingia kwenye mapenzi ili apate msongo wa mawazo, kila mtu anayediriki kuutoa moyo wake, kitu cha kwanza anachokitarajia ni faraja kisha furaha.
Ipo hivyo! Watu wengi wanakuwa kwenye uhusiano wa kimapenzi huku wakiwa na matumaini kwamba hao waliokuwanao inawezekana watakuwa wapenzi wa maisha yao yote. Pasipo kujua, wakati mwingine kuna makosa hufanyika, mtu hajui afanye nini ili penzi alilonalo kwa mpenzi wake linoge, hajui ni njia zipi zitamfanya kupendwa kila siku.

Leo nitakutajia njia chache ambazo kama utazifanya, nakuhakikishia penzi lenu litashamiri zaidi ya lilivyo hivi sasa.

MPE UHURU KWANZA
Kila mtu anapenda kuwa huru, kuachwa afanye mambo yake anayoyapenda. Hakuna mtu anayependa kuingiliwa, hasa kwenye masuala ya kutumia simu yake. Kama kweli unahitaji penzi linoge, usitake kuingilia mambo yake hasa katika matumizi ya simu, unachotakiwa ni kumwambia muda ambao hupendi kuona akizungumza na simu na si kwamba kila unapoona simu yake inaita, unaichukua kwa nguvu.
Mapenzi hayapo hivyo, mpe uhuru mwenza wako. Haimaanishi mtu kama hajatulia basi kuchukua simu muda wote inapoita ndiyo kutamfanya kutulia, hapana, bali kwa kufanya hivyo utampa mbinu nyingine ya kuweza kupambana nawe. Unachotakiwa ni kumfanya kuwa huru, usimuingilie.

CHUKUA MUDA WAKO KUMTOA ‘OUT’
Wengi hukosea hapa, huwa hawapendi kwenda matembezi na wapenzi wao. Wengine hujifanya wapo bize, hata ukimwambia Jumamosi nataka tutoke out atakwambia anataka kufanya hili na lile.

Rafiki yangu, kila mtu anahitaji kuwa karibu na mpenzi wake, hakuna anayependa kuwa na mpenzi ambaye muda wote yupo bize tu. Mchukue, nenda naye sehemu. Kutoka mitoko ya mara kwa mara itawafanya muwe karibu zaidi, itawafanya muda wote mzidi kupendana, ila kama utajifanya upo bize, jua kuna mtu ataitumia nafasi hiyo kutoka na umpendaye.

PENDELEA KUFANYA UTANI
Hakuna mtu anayempenda mpenzi ambaye yupo siriazi saa ishirini na nne. Pata muda wa kukaa na kutaniana naye. Mchombeze kwa vineno vya utani, mpetipeti, mlaze kitandani na uanze kupiganapigana naye vibao vya kimahaba hata kwa kutumia mito ya kulalia.
Unapokuwa siriazi kila wakati inakuwa ni vigumu mwenzako kulifaidi penzi, pendelea kutabasamu inapobidi kila unapokuwa na mpenzi wako, siyo kila atakachokwambia wewe uso wako umekunja ndita kiasi kwamba ataonekana kukuogopa na kumtafuta mtu mwingine ambaye atahitaji kuliona tabasamu lake, atahitaji kuona akifanyiwa utani wa mahaba nk.

HEBU MSIFIESIFIE BASI
Wengi wanaogopa kuwasifia wapenzi wao, hawajui kama kila mtu duniani anapenda kusifiwa. Mpenzi wako anapovaa nguo nzuri zilizomtoa, usikae kimya, mwambie amependeza kwani hilo litamfanya kufurahi sana. Kama utakuwa na mpenzi halafu kila siku humsifii hata akifanya kitu gani, jua kwamba atajisikia vibaya, wakati mwingine atahisi hayupo sawa kwa kuwa tu hujawahi kumsifia.

Unapomsifia mpenzi wako kunamfanya kuongeza umakini katika kuvaa kwake, kununua manukato na hata jinsi atakavyosuka au kunyoa atafanya kwa ubora wa hali ya juu kwa kuwa anajua utamsifia.

Kwa Ushauri Wa Mahusiano, Mada Za Mahaba, Hadithi, Machombezo, Mikasa Ya Kweli Ya Mapenzi Na Ujasiriamali. Jiunge na M&U SMS au M&U WhatsApp kupitia Na. 0679979785.

Pia tembelea www.miminauhusiano.blogspot.com, Insta:@mimi_na_uhusiano au tembelea ukurasa wetu wa Mimi na Uhusiano kwa ku-Bonyeza Hapa

chanzo: GPL

Read More

MIMI NI MSHINDI AHADI YANGU NA NAFSI YANGU

Mafanikio ya biashara hayatokani na kuwa na wazo bora na mtaji pekee. Wengi wamekuwa wakifikiria vitu hivi viwili kabla ya kuanza biashara na hata wanapoanza biashara. Ambacho wengi hawaangalii ni kwamba kuna watu ambao wamekuwa na mawazo mazuri sana ya kibiashara, na wakawa na mtaji mkubwa pamoja na watu waliopo tayari kuwekeza kwenye biashara zao. Lakini watu hao wameshindwa vibaya sana kwenye biashara walizojaribu kufanya.

Watu hawa wamekuwa na kila kitu tunachoamini kinahitajika ili biashara kukua, wazo bora, mtaji mkubwa pamoja na mtandao mzuri. Vitu vyote hivyo vinafanya kazi vizuri lakini matokeo yanakuwa tofauti na wengi walivyotarajia. Je hapa tatizo linatokea wapi? Ni bahati mbaya? Au watu wanachezewa michezo ambayo siyo mizuri? Matatizo mengi kwenye biashara huwa yanaanzia kwenye msingi na falsafa ya biashara yenyewe. Misingi hii inawekwa na mwanzilishi wa biashara na inatakiwa kusimamiwa na kila mtu anayekuwepo kwenye biashara ile. Tatizo la biashara nyingi ni kwamba hakuna misingi iliyo wazi na hivyo kila mtu kwenye biashara ile anafanya maamuzi yake mwenyewe. Na hata pale ambapo misingi ipo, siyo wote wanaifahamu na kuitumia kwenye maamuzi ya kila siku

Biashara yoyote kama yalivyo maisha, ili iweze kufanikiwa, inahitaji kuwa na misingi ambayo inafuatwa. Inahitaji kuwa na falsafa ambayo watu wote kwenye biashara wanaiamini na hata wateja wanaiamini. Biashara isiyokuwa na misingi na falsafa, haiwezi kudumu muda mrefu, kwa sababu itafika wakati wa changamoto, watu watafanya maamuzi mabovu na yataigharamu biashara. Pia wateja wanashindwa kujua biashara inasimamia nini, kwa sababu kila wakati wanapata huduma tofauti. Wateja wanapokosa msimamo kwenye biashara hawajisikii amani kuendelea kupata mahitaji yao kwenye biashara ile.

Wewe kama mfanyabiashara unahitaji kujijengea misingi na falsafa ya biashara yako, ukishakuwa na misingi hii hakikisha kila anayehusika kwenye biashara anaijua na kuisimamia wakati wote. Pia hakikisha wateja wananufaika kupitia msingi na falsafa hiyo na kuhamasika kuendelea kufanya biashara na wewe.

Misingi ya biashara ni nini?

Misingi ya biashara ni vile vitu ambavyo biashara inasimamia, vile vitu ambavyo ni lazima biashara yako ifanye kwa mteja. Pia kuna vitu ambavyo ni mwiko kwa biashara yako kufanya. Misingi hii ndiyo itakayoweza kutoa utatuzi pale ambapo kuna changamoto kwenye biashara yako. Misingi ndiyo inawawezesha watu waliopo kwenye biashara yako kuweza kufanya maamuzi sahihi hata pale ambapo wanakuwa hawana taarifa za kutosha.
Baadhi ya misingi muhimu unayohitaji kujijengea kwenye biashara ni uaminifu, uadilifu, kuweka maslahi ya mteja mbele na kwenda hatua ya ziada katika kumhudumia mteja. Misingi ya biashara inatofautiana kulingana na aina ya biashara na malengo ya mfanyabiashara mwenyewe.

Falsafa ya biashara ni nini?
Watu wengi wakisikia falsafa wanaogopa na kuona ni kitu kigumu, wanaona ni kitu cha kwenda kusomea ili kuwa na imani fulani. Lakini huo siyo ukweli, falsafa ni kile kitu ambacho mtu anasimamia. Ile sababu ambayo inawafanya watu kufanya kile ambacho wanafanya licha ya kuwepo na vitu vingine vya kufanya. Falsafa yako kibiashara ndiyo inayowafanya wateja waje kununua kwako licha ya kuwepo kwa wafanyabiashara wengine kama wewe. Falsafa ndiyo inayokuwezesha kumudu ushindani mkali ulipo kwenye biashara unayofanya.

Ili kuweza kujenga falsafa ya biashara yako, unahitaji kujua KWA NINI biashara yako ipo. Ni changamoto gani, au mahitaji gani ya wateja ambayo biashara yako inatimiza. Kama biashara yako itaondoka leo ni kitu gani kikubwa ambacho watu watakikosa. Jua hili na mambo yako yote kwenye biashara yawe yanasaidia hilo. Jenga falsafa ya biashara yako ambayo itamwezesha mteja kuwa na uhakika kila anapofanya biashara na wewe. Falsafa ya biashara haijengwi kwa kushusha bei au kwa kutoa ofa, wala falsafa haijengwi kwa kuwapa wateja hofu. Bali falsafa ya biashara inajengwa kwa kuwafanya watu waamini kile unachofanya, kwa sababu kina manufaa kwako. Angalia biashara yako inawasaidiaje watu na fanya hilo kuwa dhumuni kuu la biashara yako.
Usifanye biashara kwa mazoea, kwamba umeona fursa, fedha unazo na wazo umelipata, bali tengeneza biashara itakayodumu kwa muda mrefu kwa sababu ina misingi na falsafa. Pia usiwe tu na falsafa na misingi kwenye makaratasi, bali vifanye vitu hivi kuwa maisha ya biashara yako kila siku, kwa kuvifanyia kazi kila siku kwenye biashara yako.

Kwa Ushauri Wa Mahusiano, Mada Za Mahaba, Hadithi, Machombezo, Mikasa Ya Kweli Ya Mapenzi Na Ujasiriamali. Jiunge na M&U SMS au M&U WhatsApp kupitia Na. 0679979785.

Pia tembelea www.miminauhusiano.blogspot.com, Insta:@mimi_na_uhusiano au tembelea ukurasa wetu wa Mimi na Uhusiano kwa ku-Bonyeza Hapa

BY TATU KIONDO

Read More

MWEZI MTUKUFU FANYA HAYA KWA UMPENDAYE

Unakuta mwanamke anajua kabisa kuwa wenzao wapo kwenye mfungo lakini kwa sababu yeye si wa dini hiyo, basi haoni hatari kuvaa kihasara na kutembea hadharani.
Kwa kifupi, uungwana ni vitendo, hebu onesha uungwana wako kwa siku hizi chache tu za Mwezi Mtukufu kisha baada ya hapo ruksa kuendelea na staili yako ya maisha. Baada ya hayo, wiki hii nazungumzia suala la mapenzi hasa katika kipindi hiki ambacho Waislam bado wako katika Mwezi Mtukufu wa Ramadhani. Nimekuwa nikipokea maswali mengi kutoka kwa baadhi ya wasomaji wangu wakiuliza mambo kadhaa kuhusu uhusiano wao.
Wapo ambao ni wapenzi na kipindi hiki inaonekana mahaba yamepungua kutokana na mmoja au wote kuwa katika mfungo. Wapo wanaolalamikia wapenzi wao kutotaka hata kuonana nao kwa maelezo kwamba, wakikutana eti swaumu zitaharibika. Si hivyo tu, wapo wanaosema siku hizi mawasiliano yamekuwa hafifu, hakuna SMS tamu, hakuna kupigiana simu kuzungumza mambo matamu. Katika hili kwanza niseme tu kwamba, kupendana hakuna mipaka.
Kila  dakika, kila saa, kila siku na kila sehemu tunatakiwa kuoneshana mapenzi sisi tulio katika uhusiano wa kawaida lakini pia wale walio katika ndoa. Kikubwa cha kuzingatia ni kutii sheria za kidini zilizopo. Hata hivyo, wiki hii nataka kuzungumzia mambo kadhaa ambayo wapenzi wanatakiwa kuyazingatia hasa kwa kipindi cha mwezi huu mtukufu.  Nimediriki kuzungumzia mada hii kwa kujua kwamba, mapenzi hayachagua dini, wapo waliopendana wakiwa katika dini tofauti, namaanisha Muislam na Mkristo.
Katika mazingira haya ni lazima kutakuwa na matatizo kama mambo kadha wa kadha hayatazingatiwa na hili litakuja kama kila mmoja ataheshimu imani ya mwenzake na kuwa tayari kuvumilia kwa kila jambo. Kukutana, kuongea ruksa! Jamani nani kasema ukiwa umefunga usikutane na mpenzi wako? Kuna tatizo gani kama mtakutana na kubadilisha mawazo kuhusiana na maisha yenu? Kinachokatazwa hapa ni kutegana kimahaba kiasi cha kumfanya mpenzi wako afikie hatua ya kuiharibu swaumu yake.
Cha kuzingatia katika hili ni kuhakikisha humpi mpenzi wako vishawishi, zungumza lugha nzuri na pia mavazi yako yawe ya kujistiri hasa kwa wanawake. Fahamu kama mpenzi wako kafunga au mmefunga wote, ni kipindi cha kutubu dhambi zenu lakini pia kama hamjaoana basi ni wakati wa kumuomba Mungu awajaalie muweze kuoana haraka.
Hata hivyo, katika suala la kukutana, isiwe mara kwa mara. Nasema hivyo kwa kuwa najua sisi ni binadamu, unaweza kukutana na mpenzi wako fikra zako zikakupeleka kusikotakiwa na ukatamani kuonja na utakuwa umefanya kosa kubwa. SMS na kupigiana simu kuwe na mipaka.

Meseji zile za chumbani hazina nafasi kipindi hiki na ukimtumia mpenzi wako SMS za kingono ni matatizo kwako na kwa mwenzako, sasa kwa nini umuingize matatizoni mtu unayempenda? Haya yote si kwa mchana tu, ni kwa saa 24 maana kuna ambao mchana wanafunga, usiku mahaba kama kawa wakati hawajaoana. Waliooana ndiyo walioruhusiwa kufanya mapenzi na tena ni baada ya kufuturu, wao wana haki hiyo. Tukumbuke tu kwamba, zinaa imekatazwa, si kipindi hiki tu bali katika siku zote za maisha. Kwa maana hiyo basi, tujizuie kumkera Mungu lakini pia muombe dua ikiwezekana mwezi huu mtukufu ukiisha, muoane ili muweze kuyafurahia maisha yenu ya kimapenzi. Ni hayo tu kwa leo.

Kwa Ushauri Wa Mahusiano, Mada Za Mahaba, Hadithi, Machombezo, Mikasa Ya Kweli Ya Mapenzi Na Ujasiriamali. Jiunge na M&U SMS au M&U WhatsApp kupitia Na. 0679979785.

Pia tembelea www.miminauhusiano.blogspot.com, Insta:@mimi_na_uhusiano au tembelea ukurasa wetu wa Mimi na Uhusiano kwa ku-Bonyeza Hapa

CHANZO: GPL

Read More

SIMU YA MWENZA WAKO YA NINI, UNAJIPA PRESHA YA BURE

KWA wanandoa, uaminifu limekuwa ni jambo la msingi sana ndiyo maana kila siku tunasema, ili udumu na huyo uliyeingia naye kwenye ndoa, mjengee imani kuwa wewe ni wake na haitatokea siku ukamsaliti. Lakini wakati ukweli ukiwa hivyo, kwenye baadhi ya ndoa kuna sarakasi nyingi sana. Katika ulimwengu wa sasa kumekuwa na tatizo kubwa la baadhi ya wanandoa kutibuana kila siku kisa kikiwa
ni kutokuaminiana kupitia simu zao. Kwa hili niseme tu kwamba, ni wanandoa wachache sana ambao wanaamini simu za wenza wao hazina madhambi, wengi wanahisi wanasalitiwa kupitia simu na ndiyo maana unaweza kukuta mke akishika simu ya mumewe tu inakuwa shida. Si hivyo tu, wapo wake za watu nao hawataki kabisa simu zao zishikwe na waume zao, unajiuliza kwa nini iwe hivyo kama kila mtu anajiamini? Lakini sasa, leo naomba niwashauri kitu wale walioingia kwenye ndoa. Kuna mambo ambayo unatakiwa kuyapuuza laa sivyo huwezi kuwa na amani katika maisha yako. Kama kweli unampenda huyo uliyenaye, usimfikirie vibaya! Jenga imani kuwa,
hawezi kukusaliti. Hii tabia kwamba simu ya mwenza wako ikiita tu unachungulia kujua nani kapiga, SMS ikiingia unafungua, ya nini kujipa presha? Hivi unadhani kweli unaweza kumzuia huyo mwenza wako asikusaliti kwa kutompa uhuru wa simu yake? Hili ni gumu hivyo unachotakiwa kufanya ni kumuacha na simu yake. Usijipe presha zisizo na msingi. Unaweza kukurupuka, ukapokea simu ya mumeo, mara unakutana na sauti nyororo ya msichana, presha inakupanda bila kujua aliyepiga ni nani. Na yeye kwa kuwa aliyepokea siye aliyempigia, anakata. Wewe huko uliko unachanganyikiwa, unafikiri aliyepiga ni mchepuko. Kumbe aliyepiga labda ni mfanyakazi mwenzake

au rafiki yake wa kawaida tu. Wewe unakuja juu na kumwambia mumeo anakusaliti, kumbe hamna kitu kama hicho.Au wewe mwanaume unaweza kuchukua simu ya mkeo, ukaenda kwenye sehemu ya meseji ukitaka kujua ni nani huwa anachati nao. Bahati mbaya unakutana na meseji ya kimahaba iliyotumwa na mwanaume ambaye alikosea namba. Wewe bila kuwa na uhakika na kile ulichoona unakimbilia kuhitimisha kuwa, mke si muaminifu. Hili ni tatizo kubwa ndiyo maana leo kupitia safu hii nimeona niwakumbushe tu kwamba, simu ya mwenza wako achana nayo ili kujihakikishia amani ya moyo.

Kwa Ushauri Wa Mahusiano, Mada Za Mahaba, Hadithi, Machombezo, Mikasa Ya Kweli Ya Mapenzi Na Ujasiriamali. Jiunge na M&U SMS au M&U WhatsApp kupitia Na. 0679979785.

Pia tembelea www.miminauhusiano.blogspot.com, Insta:@mimi_na_uhusiano au tembelea ukurasa wetu wa Mimi na Uhusiano kwa ku-Bonyeza Hapa

Read More

MAGAZETI YA LEO JUNE 10, 2017

Kwa Ushauri Wa Mahusiano, Mada Za Mahaba, Hadithi, Machombezo, Mikasa Ya Kweli Ya Mapenzi Na Ujasiriamali. Jiunge na M&U SMS au M&U WhatsApp kupitia Na. 0679979785.

Pia tembelea www.miminauhusiano.blogspot.com, Insta:@mimi_na_uhusiano au tembelea ukurasa wetu wa Mimi na Uhusiano kwa ku-Bonyeza Hapa

Read More

MSANII EBITOKE ASEMA AJAWAI KUKUTANA NA MWANAUME

Mchekeshaji kutoka Timamu African Media, Ebitoke baada ya kutangaza anamuhitaji msanii wa Bongo Fleva, Ben Pol katika mahusiano ya kimapenzi, leo ameibuka na kioja kingine.

Ebitoke ambaye amekuwa akitoa vichekesho mbali mbali kupitia mitandao ya kijamii, ametoa kauli ambayo imetafsiriwa kuwa hajawahi kufanya mapenzi na mwanaume yeyote.
“Nawashangaa mnaonifananisha na USED, mimi niko SEALED jamani,
"Hatufanani thamani yangu ni kubwa kuliko make up za kichina,” aliandika Ebitoke Instagram.

Baadhi ya mashabiki wake wamechukulia jambo hilo kama utani, wengine wakimpongeza, huku wengine wakibeza kwa kudai amejishusha kusema hivyo.

Kwa Ushauri Wa Mahusiano, Mada Za Mahaba, Hadithi, Machombezo, Mikasa Ya Kweli Ya Mapenzi Na Ujasiriamali. Jiunge na M&U SMS au M&U WhatsApp kupitia Na. 0679979785.

Pia tembelea www.miminauhusiano.blogspot.com, Insta:@mimi_na_uhusiano au tembelea ukurasa wetu wa Mimi na Uhusiano kwa ku-Bonyeza Hapa

CHANZO:BONGO 5

Read More

MAGAZETI YA LEO JUNE 7, 2017

Read More

MUME AJINYONGA KWA UGOMVI MKE KUUZA MALI ZA FAMILIA ALIPE MIKOPO SHINYANGA

Mwanaume aliyefahamika kwa jina la Luhende Lusangija(34) mkazi mtaa wa Mwinamila Kata ya Ngokolo manispaa ya Shinyanga amekutwa amejinyonga nyumbani kwake kutokana na kile kilichotajwa kuwa mke wake alikuwa anauza mali za familia kutokana na mikopo aliyokuwa anadaiwa.

Tukio hilo limetokea Jumamosi June 3,2017 majira ya saa 11 alfajiri ambapo marehemu akiwa na watoto wake watatu nyumbani, aliamka na kisha kuchukua mtandio huku watoto wake wakiwa wamelala, na kuamua kujitundika kitanzi sebuleni, na kusababisha kifo chake papo hapo.

Mashuhuda wa tukio hilo walisema mwanamme huyo amejiua kutokana na kwa kile kinachodaiwa kuwa na ugomvi wa siku nyingi na mke wake ambaye siku kabla ya tukio alikuwa ameshaukimbia mji wake.

Wakisimuliza tukio hilo majirani zake Safina Javali, alisema marehemu alikuwa na ugomvi na mkewe muda mrefu ambapo walikuwa wakipigana kila siku, kwa kile kinachodaiwa kuwa mwanamke alikuwa akikopa mikopo, na baada ya kushindwa kuirejesha alikuwa akiuza vitu vya ndani wakati mumewe akiwa safarini kwenye majukumu yake ya kikazi.

“Juzi alipokuja mwanaume kutoka safarini akakuta kitanda kimefungwa kwenda kuuzwa, ili mwanamke alipe deni la mikopo aliyokuwa akiichukua, ndipo ugomvi mkubwa ulipozuka hadi kusababisha mwanamke kuukimbia mji wake na kwenda kusiko julikana,”alisema Javali.

Aliongeza kuwa baada ya tukio hilo kutokea walimsikia mtoto wake mkubwa wa miaka 7 majira ya saa moja asubuhi akilia kwa uchungu na kupiga kelele, kuwa baba yake amekufa kwa kujinyonga na walipofika kwenye mji huo na kuchungulia mlangoni ndipo wakamuona amenin’ginia kwenye paa la sebuleni akiwa ameshafariki.

Naye mwenye nyumba Halma Issa ambapo marehemu alikuwa mpangaji wake, alisema mji huo ulikuwa na ugomvi wa mara kwa mara, na walikuwa wakiwasuluhisha lakini ugomvi wao ulikuwa pale pale, na walipopata taarifa ya kifo chake walifika eneo la tukio kasha kuwasiliana na uongozi wa mtaa ilikufuata taratibu za kisheria.

Aidha mwenyekiti wa mtaa huo wa Mwinamila Ngokolo mjini Shinyanga Yohana Munisa, alikiri kupokea taarifa za marehemu huyo majira ya saa moja asubuhi, na alipofika eneo la tukio alimkuta Lusangija akiwa tayari amejinyonga, ndipo akatoa taarifa polisi ambapo nao wakafika ili kuuchukua mwili wa marehemu.

Kwa upande wake Kaimu Kamanda wa Jeshi la Polisi mkoani Shinyanga Elias Mwita alithibitisha kutokea kwa tukio hilo, na mwili wa marehemu umehifadhiwa katika chumba cha kuhifadhia maiti katika hospitali ya rufaa ya mkoa wa Shinyanga, huku ndugu wa marehemu wakitafutwa ili kuuchukua mwili huo kwa taratibu za mazishi.

Kwa Ushauri Wa Mahusiano, Mada Za Mahaba, Hadithi, Machombezo, Mikasa Ya Kweli Ya Mapenzi Na Ujasiriamali. Jiunge na M&U SMS au M&U WhatsApp kupitia Na. 0679979785.

Pia tembelea www.miminauhusiano.blogspot.com, Insta:@mimi_na_uhusiano au tembelea ukurasa wetu wa Mimi na Uhusiano kwa ku-Bonyeza Hapa

CHANZO: MALUNDE BLOG

Read More

JOKATI ASEMA ANATAKA MUME MWENYE HOFU YA MUNGU

Mrembo Jokate Mwegelo ameamua kuweka wazi juu ya mwanaume anayependa kuolewa naye na kuanzisha familia baada ya miaka mitano.

Joketi
Akizungumza na gazeti la Mwanachi Jokate ambaye ametajwa kuwa katika orodha la jarida la Forbes Africa la kuwa miongoni mwa vijana walio na umri chini ya miaka 30 wenye mafanikio mbalimbali kwa mwaka 2017.

 Kusema kweli kitu ninachotamani awe nacho mume wangu ni hofu ya Mungu, pia awe mchapakazi na mwenye malengo ya mbele. Mwanaume wa aina hiyo ni rahisi sana kumthamini mke wake, kutambua mwanaume mwenye upendo wa dhati si ngumu kwani unaangalia maisha yake binafsi anaishije na ndugu ,jamaa na marafiki” amesema Joketi.

Pia mrembo huyo amesisitiza kuwa suala la dini si kikwazo kwake kwani amezungukwa na watu wa imani tofauti.
Kwa takribani mwaka mmoja Jokate amekuwa akihusishwa kuwa na mahusiano na mwanamuziki Alikiba ingawa hakuna kati yao aliyewahi kuthibitisha hilo.

Kwa Ushauri Wa Mahusiano, Mada Za Mahaba, Hadithi, Machombezo, Mikasa Ya Kweli Ya Mapenzi Na Ujasiriamali. Jiunge na M&U SMS au M&U WhatsApp kupitia Na. 0679979785.

Pia tembelea www.miminauhusiano.blogspot.com, Insta:@mimi_na_uhusiano au tembelea ukurasa wetu wa Mimi na Uhusiano kwa ku-Bonyeza Hapa

CHANZO: BONGO 5 

Read More

UZURI NA MVUTO USIOCHUJA

Upo uzuri ambao hauchuji, haufifii na wala hauna madhara… Upo uzuri ambao hauhitaji kutumia nguvu kubwa kumvuta mtu wa jinsia nyingine au wenzio.
Upo uzuri ambao mpaka kuzeeka kwako bado utakufanya uendelee kuonekana mzuri na kujiona wewe ni mzuri mnooo… uzuri usio na majuto yoyote wala kikomo!
 Hoja mbili tatu za kukukumbusha kuhusu uzuri huo!
1. Elimika!..... Ukielimika utastaarabika mwanamke, utajishughulisha! Utashika chenji zako mwenyewe mkononi… Utakuwa na upeo, utajua dunia inakwenda vipi.
Kuna watu wanasoma ila hawaelimiki. Wewe kuwa tofauti soma uelimike! Ukielimika huwezi kuburuzwa ovyo na mtu au makundi ya watu. Utakuwa na msimamo wako binafsi kwa kuwa utajua nini ni nini. Ukielimika utajishughulisha na utashika pesa yako mwenyewe hata kama ni kidogo kiasi gani, ni ya kwako! 

2. Roho nzuri…. Haijalishi una makalio makubwa kiasi gani au u mweupe kama karatasi… au una sura ya kuvutia namna gani ama umebeba mkoba wa laki ngapi.
Kama roho yako imejaa chuki za chini chini, husda, wivu, vinyongo, misengenyo, vijicho, kufurahia matatizo ya wenzio, kuharibia wengine na unafiki!....Woman you are ugly! Roho nzuri ni uzuri usiochuja hata mbele za Mungu!

3. Tabasamu la upendo… huu ni uzuri ambao wengi wetu tunauchukulia poa sana. Ni uzuri usio na gharama yoyote ile.
Salimia watu kwa tabasamu la upendo bila kujali umri, rangi, hali zao kiuchumi au vyeo vyao kazini. Huwezi jua tabasamu lako la upendo litakurudishia baraka gani mbele ya safari pasipo wewe kujua. Huwezi jua salamu yako yenye tabasamu inampa nani hali ya kujiona anathaminika. Utunze uzuri huu kwa gharama yoyote ile. Ni tiba kwako na wengineo!

4. Kauli safi!... kuna watu wanadhani kutukana ni ujanja, kuongea sana ovyo ovyo ni umjini... kuongea kimipasho kila saa ni ushujaa…. Kujua matusi ya nguoni ndio kwenda na wakati… hata wakati ambao mtu amekukalfisha nafsi vibaya sana, unapoweza kumjibu pasipo tusi hata moja la nguoni wewe ni mzuri! Mzuri sana!
Unapoporomosha matusi kuyajibu matusi, unajivunjia heshima, unapoteza uzuri wako! Na hakika unaweza kumchoma adui yako kwa jibu safi zaidi kuliko jibu kali la matusi kwa kuwa nia ya mtu anayekuumiza ni kuona umeumia na kujibu tusi kunadhihirisha amekuweza!

5. Usafi…. Ni uzuri usiochuja kabisa! Utazeeka nao, utawavutia watu popote na wakati wowote ule. Usafi aina zote ni silaha kubwa sana. Hata wewe unapokutana na mtu nadhifu anayeweka mazingira yake katika hali nadhifu lazima utahisi kuvutiwa naye.
Hii inajumuisha kuikubali ngozi yako na kuiweka nadhifu bila kuikwangua kwangua. Mwanamke mrembo ambaye amejipamba vito ila kasimama kwenye mazingira machafu na mwanamke msafi asiye na vito aliyesimama sehemu safi inayovutia yupi anaweza kuvuta umakini wa watu makini?

6. Ucheshi… haimaanishi uchekecheke kama mwendawazimu na kila mtu, ujirahisi kwa kila mtu... Mtu mcheshi ni msikilizaji mzuri, ni mtu asiyebeza wengine na kudharau, ni mtu asiye na mafumbo mafumbo na minuno ya ajabu ajabu.
Hata watu wakimya huweza kuwa wacheshi… kuna ucheshi na umapepe, ukimya na gubu! Tofautisha tabia hizi uendelee kuwa mzuri miaka kwa miaka!

7. Sauti ya kike…. Uzuri wa mwanamke upo katika sauti yake pia… Mungu alijua hii ni silaha kubwa sana ambayo wanawake wengi hawajui wameibeba. Kuongea kike hakumaanishi uongee kwa madeeeeko…ubane sauti au sijui ujipe kithethe… ipo namna ambayo mwanamke akiongea hata kama panya anatoboa salfeti la unga ataacha kwanza asikilize kazi ya Mungu!
Hujawahi sikia mtu anadata na sauti kabla hajamuona mtu?.... ndiyo ujue hata kama una bezi la home theatre…dada na bezi lako ongea ‘kike’…. sio chichichichichichichichichichiiiiiii anhaaa!

8. Ujasiri…. Ni uzuri ambao hauchuji asilani abadani!... ujasiri utakutoa katika mahusiano mabovu kwa kuwa unajiamini… utakupa roho ya kuyakabili matatizo na si kuyakimbia na kujirahisisha kwa mtu… ujasiri unakupa nguvu ya kusema hapana panapostahili kusema hapana na nguvu ya kujitafakari.
Ujasiri utakufanya wewe single mother usijione una mikosi…wewe ambaye hujabarikiwa ndoa usijione hufai… wewe ambaye umetoka kwa talaka ujione ndiyo basi tena… wewe ambaye mume anacheat ujione dhalili…. wewe ambaye unasita sita kuanza biashara au kutimiza ndoyo yako fulani usijione umechelewa... uzuri wa mwili hauna maana yoyote kama nafsi yako haina ujasiri!!
Hebu jivike uzuri huu kabla hujaenda kununua matako bandia kumvutia mtu! Kuna wakati watu wanadata na wanawake wanaojua nini wanataka pasipo kuyumbishwa ovyo. Anaanguka katika hili anasimama haraka kuendelea na maisha wakati wewe usiye na ujasiri bado unatangatanga hapo hapo.

9. Kujikubali ulivyo…. Ni uzuri ambao wengi hatuna… kujikubali haimaanishi ujiachie tu rafu rafu kisa unajikubali ulivyo … hapana kujikubali haimaanishi ukae na michunusi au usipake hata poda usoni… hulka ya kike ni kujipamba hata vitabu vya imani vimeonyesha hilo… jipambe wewe ni mwanamke bwana!... ila kuna vitu vya kimaumbile unapaswa kujikubali kwanza mfano ulemavu au shepu tu bovu…. Huwa nasikitika nikikutana na meseji za watu wanaomba ushauri wa kujibadili maumbile fulani kisa mume sijui bf anamwambia ajibadili… mpaka unaomba msaada it means mwenyewe hajajikubali!
hii inajumuisha na kuishi maisha yako halisi… maana mjini hapa mabinti wanadhani kushow off kuwa wanazijua pesa… au wanaishi maisha ya juu ni sehemu ya uzuri… trust me! unajiongezea stress utapendwa na utavutia hata ukiishi maisha yako halisi. Hutoyumbishwa na maneno/ mitazamo ya watu/jamii.

10. Hofu ya Mungu!... si jambo la mwisho ila ndio unatakiwa ubaki nalo kichwani. Ukiwa na hofu ya Mungu wewe ni mzuri kwa viwango vya hali ya juu mno. Utajipenda, utajiamini, utajikubali, utajiheshimu, utajisahihisha, utajipongeza, utaanguka utainuka, utasamehe, utajisamehe, utalia, utacheka, utapongeza, utapongezwa, utapata utapoteza, utasadia utasaidiwa na kadhalika ila mwisho wa siku utapata la kujitetea mbele za Muumba sio binadamu wenzio.
Anza kwanza na kujipa uzuri huu usiochuja, usiofubaa, usioisha kisha uone kama nafsi yako haitotulia! mengine mtaongeza wenyewe…neno langu si sheria..

Kwa Ushauri Wa Mahusiano, Mada Za Mahaba, Hadithi, Machombezo, Mikasa Ya Kweli Ya Mapenzi Na Ujasiriamali. Jiunge na M&U SMS au M&U WhatsApp kupitia Na. 0679979785.

Pia tembelea www.miminauhusiano.blogspot.com, Insta:@mimi_na_uhusiano au tembelea ukurasa wetu wa Mimi na Uhusiano kwa ku-Bonyeza Hapa

Read More