UNAPENDA KUOA/ KUOLEWA NDOA YA AINA GANI?-2

Mpenzi msomaji, leo nitaendelea na sehemu ya pili ya mada yetu hii iliyoanza wiki iliyopita ambapo nilipokea maoni, maswali, ushauri na mengineyo ambayo baadhi yake ni kama yafuatayo;

SARA PIUS WA MUHEZA, TANGA

Mimi na mume wangu, Alex Kijangwa tulifunga Ndoa ya Mimba ila kwa sababu tulipendana, tumetimiza miaka nane na upendo bado haujachuja, asante Mungu.

MKINDI, KILOMBERO

Mimi nimefunga Ndoa Yenye Sababu mwaka 2000. Baada ya miaka saba tukawa tunaishi kwa mazoea na sijui sababu, imetokea tu.

IRENE CAREEN, IRINGA

Mimi napenda kufunga Ndoa ya Upendo, upendo ambao unajali utu na siyo mali.

MUNTAQ, DAR

Kwa upande wangu namuomba Mungu anijalie nifunge Ndoa ya Upendo.

RAPHAEL, MOROGORO

Mimi napenda Ndoa ya Upendo ingawa nyingi ziliishia mwaka 1978, ila hata sasa bado zipo sema tu ni moja kati ya elfu moja.

GOLD ISTERN, MORO

Yote uliyoyaandika ni ukweli mtupu big up sana, natamani sana wale ambao hawajaingia kwenye ndoa wangepitia ukurasa huu wasome ili waelewe na si kukurupuka tu.

BAHATI, SONGEA

Ally mpenzi wangu, Ndoa ya Upendo ndiyo inayotufaa ili tudumu miaka yote kwani nakupenda sana.

JINA KAPUNI

Asante kwa kutuelimisha, mimi ni msichana mwenye umri wa miaka 22, napenda Ndoa ya Utajiri kwani mapenzi ya kweli hakuna kwa wanaume vijana, wengi ni pasua kichwa.

PETER WEMA WA MBEZI, DAR

Sijaolewa lakini nipo kwenye uhusiano, nampenda mpenzi wangu napenda Ndoa ya Upendo.

JINA KAPUNI

Mungu azidi kukupa nguvu mwandishi, napenda nifunge Ndoa ya Upendo, ndoa hizo bado zipo kama utafuata taratibu na sheria za Mungu.

ZAWADI ZUBERI, TANGA

Napenda kufunga Ndoa ya Upendo, siangalii pesa bali penzi la dhati.

ATHANAS, DOM

Ndoa za siku hizi ni ngumu sana, kwani unatongoza asubuhi, jioni mnakutana faragha lakini zamani ukitongoza leo unapewa bangili, kila ukikutana naye anakupa kitu siyo ngono hata miaka mitatu. Lazima ndoa itangazwe ndiyo mkutane faragha.

HAPPY ANSBERT

Napenda sana ya kwangu iwe Ndoa ya Upendo, ndiyo ndoa yenye furaha na amani mpaka mnafanana.

JINA KAPUNI

Uliyoandika nayakubali, Ndoa za Upendo kwa sasa ni chache sana. Namuomba Mungu anijalie nipate mwanaume atakayenipenda na tufunge ndoa hiyo.

ZENA, MWANZA

Napenda nifunge Ndoa ya Upendo, kwani ina amani na utulivu, kama ni mali anayeleta ni Mwenyezi Mungu.

 

SABRINA, DAR

Kwangu mimi Ndoa ya Upendo ni sawa kwani bila upendo hakuna ndoa itakayodumu.

MSOMAJI, DAR

Natarajia kufunga Ndoa ya Mali yaani utajiri ili nisipate shida katika maisha yangu.

JINA KAPUNI

Ndoa nzuri, takatifu na itakayodumu ni ya watu waliookoka, waliotii maandiko matakatifu, waliojitunza mpaka Mungu alipowaunganisha. Ndoa yao itakuwa imejengwa juu ya mwamba imara ambao ni Yesu Kristo.

Tukutane wiki ijayo kwa mada nzuri nyingine.

Chanzo:GPL