NILIKUPENDA MPENZI ILA MUNGU KAKUPENDA ZAIDI

Nimshukuru MUNGU kwa kila jambo linaloendelea chini ya jua dhidi yangu na wewe, kwani nina amini kabisa kuwa maisha yote unayoyapitia tayari yameishaandikwa kwenye kitabu chako, kinachofanyika ni kurasa za kitabu chako kufunguka kuanzia ukurasa wa kwanza mpaka wa mwisho.

NILIKUPENDA MPENZI WANGU LAKINI MUNGU ALIKUPENDA ZAIDI YANGU, yawezekana wewe naye ni miongoni mwa mwanadamu ambaye umewahi kujikuta ukitamka maneno hayo kwa sababu ya ndugu, jamaa, rafiki, mpenzi, mke au mume, wazazi wako au mtoto wako kufariki dunia.

Basi pata muda mchache wa kumkumbuka au kuwakumbuka wapendwa wako ambao wamekwisha tangulia mbele ya haki, lakini pia na wewe jiombee kwa kuimaliza salama siku ya leo.

Hakuna jambo ambalo huwaumiza na kuwasumbua sana wanadamu kama kifo, hiki ndicho kitu pekee duniani ambacho huifanya akili ya mwanadamu kufikiri zaidi ingawa pamoja na kufikiria kote huko mhusika ushindwa kupata muafaka wa alichofikiria na kuamua kuacha tu na kujisemea moyoni MWACHE MUNGU AITWE MUNGU.

Kila mwanadamu huwa kwenye kipindi kigumu sana hasa anapoondokewa na kipenzi chake bila kujali ni mpenzi, mchumba, ndugu, jamaa, rafiki, mlezi au mzazi. Inauma sana, msiba usikie kwa jirani yako lakini usikupate ingawa kila mmoja wetu utampata.

Kifo kinaumiza, kinasikitisha na kuhuzunisha sana, kwani mtu ambaye ulimpenda, ulimtegemea, ulimshauri au alikushauri, msaada kwako wa hali na mali, ulimpenda na akakupenda lakini leo unaamka huko naye ila ghafla unaambiwa au unamuona akiwa hazungumzi, hacheki, hatabasamu tena kama zamani, hali, hatembei, hataniani nawe kama zamani.

Ni mwili pekee yake ambao unauona lakini nafsi yake haina uhai, na kamwe  hautamuona tena maishani mwako, saa kadhaa zijazo mara atakapopelekwa kwenye nyumba yake ya milele. Inauma, kibinadamu.

Nafsi ya mhusika hubaki ikiwa haina amani tena, haioni raha ya kuishi dunia wakati kipenzi chake kishaaga dunia, hujiona kama mtu ambaye amekosea sana na pengine amenyang’anywa kitu muhimu sana katika maisha yake. Lakini ukweli ni kwamba mweza wako ulimpenda lakini MUNGU kampenda zaidi na ndiyo maana kamtwaa.

Bila shaka kila mwanadamu anatamani kuiona pepo ila wengi wao uogopa kufa na husahau kuwa hakuna njia nyingine ya kuweza kuiona pepo isipokuwa kufariki dunia.

Ndugu yangu mwanaM&U kikubwa ni kuangalia mapito yetu na kujirekebisha kwa kufanya yale yote yampendezayo Mungu. 

Najua wanadamu tumeumbwa kusahau na kupotezea lakini tunapaswa tufahamu kuwa kifo hakina hodi, siku, saa wala dakika. Hakina maandalizi yoyote bali unachopaswa ni kujiandaa muda wowote kuwa muda ukifika basi MUNGU AIPOKEE ROHO YAKO MAHALI PEMA PEPONI.

Na:M&U