ULIMWENGU WA WENDAWAZIMU-05

Na M&U

Ilipoishia…

Taratibu baada ya kuingia hotelini hapo, Leila kwa mwendo wa madaha alitafuta sehemu iliyokuwa imetulia na kukaa huku kila jicho la vidume waliokuwa eneo hilo likipata burudani ya karne.

Songa nayo…

Alishusha pumzi ndefu huku akiangaza huku na kule kama kibaka mkwapuaji. Alikisogelea kitasa cha mlango na kuusukuma na kisha kuzama ndani. Alimkuta mke wake akiwa amejikunyata huku machozi yakimtoka, hakuweza kuelewa ni sababu ipi iliyomfanya mke wake kuwa katika hali hiyo.

Alimsogelea akamshika mkono na kisha kumkumbatia, hali iliyosababisha mke wake azidi kupata hasira na mwishowe alianza upya kilio huku akijaribu kujinasua kutoka mikononi mwa mume wake.

"Mume wangu ulikuwa unaongea na nani kwenye simu?"

"Nilikuwa naongea na mkuu wangu wa kazi." Alijibu Christopher huku akiyakwepesha macho yake yasigongane na ya mkewe Rynah kwa uongo aliousema.

"No Chris unanidanganya, ulikuwa ukiongea na wanawake zako huko halafu unaniambia eti ulikuwa unaongea na mkuu wako kweli! Hivi unanifanya mimi mjinga siyo! Sasa leo nataka talaka yangu, halafu ubaki na hao akina Leila wako." Aliongea kwa masikitiko mno Rynah huku machozi yakiulowanisha uso wake. Macho yalimvimba kwa kulia sana huku akimlaani mumewe kwa kutokumjali.

Ndoa yao ilitiwa misukosuko mara tu baada ya Christopher kujiingiza kwenye kundi la wafanyabiashara wa dawa za kulevya, ambao walimshawishi ili iwe rahisi kwao kupata taarifa zilizokuwa zikiendelea ikulu juu ya operesheni aliyoianzisha rais, ya kuhakikisha anadhibiti biashara hiyo haramu.

Christopher aliahidiwa donge nono na wazito hao endapo tu atakubali kuwa chini yao. Maadili ya kazi yake yalimbana mno,  na kibaya zaidi ni sehemu nyeti aliyokuwepo ya ukuu wa mawasiliano ya ikulu. Hivyo kukubali kwake kuwa chini ya wazito hao ilikuwa sawa na kuuza ramani ya nchi yake.

Alijaribu kukataa dili hilo, lakini mwisho wa siku alikubali, na huo ukawa mwanzo wa kuwatumikia mabwana wawili kwa wakati mmoja. Mwanzoni wakati ameteuliwa kushika wadhifa huo, alikuwa mtiifu na mwaminifu mno, lakini baadaye pesa ikamfanya kuwa msaliti wa nchi yake.

Nini kilifuatia, tukutane sehemu inayofuatia…

Kwa USHAURI, MIKASA YA KWELI YA MAPENZI, HADITHI, MACHOMBEZO, USHUHUDA NA UJASIRIAMALI Jiunge na M&U WhatsApp kwa Na 0657486745 kwa MADA ZA KILA SIKU.
Pia tembelea https://www.facebook.com/mimi-na-uhusiano-1584071311866497/… au https://www.instagram.com/mimi_na_uhusiano au www.miminauhusiano.blogspoti.com

@@@@