USHAURI WAKO: KUZAA NA MTU WA DINI NYINGINE NI DHAMBI? MBONA BABA ANATAKA KUNIACHIA LAANA!

Mimi ni msichana wa miaka 25 ni Mkristo ila mpenzi wangu ni Muislamu tumejaliwa Kupata mtoto mmoja.

Mpaka sasa tuna miaka 7 kwenye mahusiano yetu, toka nipate ujauzito baba yangu mzazi amekua mkali sana kwa sababu tu nimezaa na mtu wa imani nyingine, hivyo hakutaka kumfahamu mzazi mwenzangu wala ndugu zake kibaya zaidi kasema kama sitamsikiliza basi ataniachia laana na hatonisomesha chuo.

Ilibidi niwe mpole, nikamsikiliza nikasoma na nikafanikiwa kupata digrii, lakini muda wote amekuwa akiniuliza kama bado nina uhusiano na huyo mzazi mwenzangu nikamdanganya lakini ukweli ni kwamba mpaka sasa ninaishi naye.

Naweza kusema tunapenda sana na Mungu ametukutanisha kwani tumeshibana na tunaelewana ila baadhi ya dada, mama na ndugu zangu wanafahamu kuwa naishi na jamaa.

Baada ya miezi kadhaa kupita mpenzi wangu ameniambia yupo tayari kunioa rasmi na ndugu wote wajue uhusiano wetu, kwani upande wa mpenzi wangu wamefurahi na kunipokea.

Mchumba wangu ameniambia hawezi kunilazimisha kuhusu kubadili dini ni maamuzi yangu na wala ndugu zake hawana mamlaka ya kufanya hivyo.

Nilijaribu kumshirikisha kaka yangu mkubwa akakubaliana na mimi na kusema amefurahi kuona nimepata mume wa kunioa na yuko tayari kunisaidia tatizo ni baba yangu kwani ni mtu wa kutoa laana mpaka sasa kuna ndugu zangu wawili aliwahi kuwapa maneno makali na hawana maisha mazuri.

Mtoto wangu yuko nyumbani kwetu lakini baba amepiga marufuku asichukulie hapo na hata kama baba atafariki dunia mtoto wangu asitoke pale.Naumia sana moyoni mwangu.

Hivi ni dhambi kwa Mkristo kuolewa na Muislamu na kila mtu kubaki na dini yake?

Kwa USHAURI, MIKASA YA KWELI YA MAPENZI, HADITHI, MACHOMBEZO, USHUHUDA NA UJASIRIAMALI Jiunge na M&U WhatsApp kwa Na 0657486745 kwa MADA ZA KILA SIKU.