NELLY MUOSHA MAGARI WA POSTA SEHEMU YA 11

SEHEMU YA 11

“Kuwa huru tu kaka, hapa nyumbani tumebaki wawili tu mimi na dada,” Doreen alimwambia Nelly huku akiwa anakwenda sehemu ya kulia chakula palipokuwa na kabati kubwa la vioo lililokuwa na vyombo.

Endelea…

Kwa kuwa muda huo, msichana huyo alivaa pensi iliyombana vyema na kusababisha wowowo lake la kiuchokozi kuonekana na bla nyepesi mfano wa singilendi iliyoonesha viembe sindano vyake, Nelly akachanganyikiwa kabisa.

“Aaa…duuu…aaa…,” Nelly alijikuta akiguna akiwa amelitumbulia macho eneo la nyuma la Doreen na kushindwa kuendelea kunywa juisi.

Doreen ambaye hakuwa na habari na kilichokuwa kikijiri nyuma yake, alipolifikia kabati la vyombo alisukuma vioo vya kusilaidi na kutoa glasi lakini ile anageuka Nelly alijifanya anakunywa juisi.

“Ngoja na mimi nikusaidie,” Doreen alimwambia Nelly wakati akimimina juisi juisi kwenye glasi yake kisha akaketi kwenye sofa aliloketi Nelly.

Kitendo cha msichana huyo kuketi karibu na sharobaro Nelly, kijana huyo alizidi kuchanganyikiwa ndipo Doreen alimwuliza kama kweli alikuwa fundi au alikuja pale kumpeleleza baba yake.

“Hapana sista, mimi nije kumpeleleza baba yako ili iweje wakati simfahamu na ndiyo mara yangu ya kwanza kufika hapa,” Nelly alimwambia Doreen.

“Ulivyo na kazi unayoifanya vitu viwili tofauti lazima nikutulie shaka,” Doreen alimwambia Nelly.

“Naomba usinifikirie hivyo, mimi siyo mpelelezi,” Nelly alimwambia Doreen.

Baada ya Nelly kumhakikishia hivyo Doreen, msichana huyo alitabasamu na kumwambia kama ni kweli itakuwa vizuri ndipo alimwuliza sababu za kuchagua kazi ya ufundi.

“Maisha tu dada, ila nilitamani sana kukaa ofisini niwe nafanya kazi kwa kutumia kompyuta lakini ndiyo hivyo,” Nelly alimwambia Doreen.

Kufuatia kijana huyo kumwambia hivyo Doreen, msichana huyo alimwuliza alifika kidato cha ngapi, Nelly alimwambia cha nne na kumweleza kila kitu hadi kufikia hatua ya kuwa pale.

“Unataka kuniambia leo ndiyo kwa mara yako ya kwanza kufanya kazi ya ufundi?” Doreen ambaye alimuonea huruma Nelly alimwuliza.

“Ndiyo hivyo,” Nelly alimjibu.

Baada ya kijana huyo kujibu hivyo, Doreen alikubaliana naye kwani alimuona jinsi alivyokuwa akijinyoosha kila alipochota mchanga na kuutupia eneo aliloelekezwa na Zakayo.

“Oke, sasa sina shaka na wewe, naomba nikuongeze juisi,” Doreen ambaye alipania kufikia hatua f’lani na Nelly alimwambia.

“Nashukuru sista inatosha,” Nelly alimwambia Doreen.

Licha ya kukataa, Doreen alimimina juisi na kujaza glasi aliyokuwa akitumia Nelly, lengo lake lilikuwa kumchelewesha kwani aliamini kitendo cha kuwa pamoja na Nelly angemtongoza tu!

“Ila wewe dada ni mkarimu sana, nashukuru kwa kunijali,” Nelly alimwambia Doreen.

Usikose kuhudhuria Semina ya Mimi na Uhusiano (M&U). Mada Kuu: “KUNA MAISHA NJE YA MAUMIVU YA MAPENZI.” Itakayofanyika Agosti, 27 mwaka huu kwenye Ukumbi wa Malaika Hall, Kijitonyama. kwa maelezo zaidi wasiliana nasi kwa namba 0657486745 au tembelea ukurasa wetu wa Mimi na Uhusiano kwenye Mtandao wa Facebook au tembelea www.miminauhusiano.blogspot.com