Nilipoishia…
Nikiwa nimeishaanza kukata tamaa na kuhisi
labda pengine mchumba wangu Maiko atakuwa kwenye matatizo, ghafla nikaona
amepokea, ila nikastaajabu akiniuliza swali ambali sikulitegema kulisikia
kutoka katika kinywa chaka hasa ukizingatia tulikuwa na muda mrefu
hatujawasilia.
Endelea nami…
“Unasemaje” sauti ya Maiko ilisikika
upande wa pili ikiongea kwa jazba, jambo ambalo sikuamini, kwani nilizoea
kumsikia Maiko akiwa katika sauti nzuri, ya upendo na furaha.
Ghafla tumbo lilianza kunikata,
nilighafirika na kuamua kukata simu kisha nikaanza kumwaga machozi nikiwa pale kwa mwenye kibanda cha simu.
Alinishangaa sana Yule kaka ambaye alikuwa
anatoa huduma ya simu, akaniuliza nini ambacho kilikuwa kimenisibu, sikuweza
kumwambia kisha nirudi tu kijijini, siku
zilipita bila Maiko kunijulia hali, nishangaa sana hata mama yangu nahisi naye
alishituka kuwa pengine kutakuwa na kitu, alimua kuniuliza, vipi tena mwenziyo
mbona simuoni au hujamwambia kuwa una ujauzito.
Mama aliniuliza, nikamdanganya kuwa siku
ile niliyoenda center kumpigia simu hakuwa anapatikana hivyo nitaenda siku
nyingine.
Siku mbili zilipopita mama
alijichangachanga pesa kidogo aliyoipata kutokana na kufanya vibarua vya kuvuna
karanga kwenye mashamba ya watu wengine na kunipa ili nitumie njiani kama nauli.
Nilifika hadi eneo la kibanda kile na kuomba
muda wa kuongea nikapewa, nilimpigia Maiko
alipokea kwa kana kwamba alikuwa ana hasira na mimi au hakutaka kupokea simu
yangu.
“Unasemaje.
Mbona wewe msumbufu sana,”alisema Maiko.
Nikabaki nashangaa leo hii mimi nimekuwa
msumbufu kwa Maiko, inakuaje, nikawa nahisi sijielewei elewi vile. Nilimwabia
Maiko samahani sana kama kuna jambo nitakuwa nimekukosea, ila nafahamu sijakosa
chochote.
“Haya sema haraka bhana mimi nina kazi
nyingi za kufanya,’ alinijibu.
Maiko, mimi sijisikii vizuri kwa sasa,
kabla hata sijamaliza alinidaikia jukwaju sasa mimi nifanyeje. Maiko nina mimba
yako, tangu siku ile ya mwisho tulipokutana faragha sikuziona siku zangu.
“Sikiliza Kecho, naona unataka kunizoea si
ndiyo, nani aliyekwambia anahitaji mtoto, kwa sasa mimi sijajipanga, cha
kufanya huyo mtoto chukua kama zawadi yako,” kisha akakata simu huku akiachia
bo nge la mfyonzo.
Niliumia sana sikuamini kama nimeingizwa
kingi kirahisi hivyo na mbaya zaidi mimba juu, nilijiuliza ni kwa namna gani nitamwambia mama
yangu na anielewe, maskini mama alijitolewa kunipatia nauli ili nikaonane na
mtu ambaye aliamini ni muungwana, babamkwe wake lakini kumbe ni mtu katili.
Niliamua kurudi nyumbani huku nikiwa nalia
njia nzima, niliona kama nimejiabisha sana pale kijijini na kuwaabisha wazazi
wangu. Mbaya zaidi kuna vijana ambao walikuwa wananitaka lakini niliwakataa kwa
sababu tu ya Maiko.
Usikose kufuatilia nini kilifuatia baada
ya msichana Kecho kufika nyumbani kwao.
Kwa USHAURI WA MAHUSIANO, MADA ZA MAHABA, HADITHI,
MACHOMBEZO, MIKASA YA KWELI YA MAPENZI NA UJASIRIAMALI. Jiunge na M&U SMS
au M&U WhatsApp kupitia Na. 0657486745 Pia tembelea www.miminauhusiano.blogspot.com,
Insta:mimi_na_uhusiano au tembelea ukurasa wetu wa Mimi na Uhusiano kwenye Bonyeza Hapa
Na:M&U.
