NILIPOISHIA…
Baada ya mwili wa Jakobo kuhifadhiwa
walitafutwa ndugu zake na kukabidhiwa mwili wa ndugu yao, hawakuwa wanafahamu
kama kuna mwanamke ambaye alikuwa na mahusiano na ndugu yako.
SONGA NAMI…
Hawakufahamu kama nilikuwa nimepoteza
kumbukumbu kwa sababu ya mshituko wa kumuona Jakobo akiwa amefariki wa ajali
mbaya.
Ndugu wa Jakobo walikaa vikao vya dharura
palepale maeneo ya mochwari wakishauriana na kupanga mikakati ya namna ya
kumzika mpenzi wangu. Baada ya kujadiliana kwa muda haimaye walikubaliana kuwa
mwili wa Jakobo mpenzi wangu ulipaswa kusafirishwa hadi kijiji kwao Mwamgongo
mkoani Kigoma kwa ajili ya mazishi.
Hatimaye mwili wa kipenziu changu
ulisafirishwa kwa ajili ya safari, ndugu na marafiki walikuwa karibu walipata
nafasi ya kuuga mwili wa Jakobo pale Tumbi lakini mimi sikuwa na nafasi hiyo,
kwa sababu bado nilikuwa sijarudiwa na fahamu na hata kama ningekuwa nimerejewa
fahamu zangu isingekuwa rahisi kwa wauguzi kuniruhusu kuuona mwili wake Jakobo
labda kama wangeniruhusu kwa kuwa na machela palepale, kwani nisingejiweza kwa lolote kuvumilia.
Mpenzi msomaji, pamoja na mapenzi na
upendo wote ule wa Jakobo lakini sikuweza kumzika mpenzi wangu. Sikuweza
kumuaga mwanaume ambaye alinipenda kwa dhati nami nikampenda kwelikweli.
Huo ndiyo ukawa mwisho wangu na Jakobo,
akilini mwangu nikakumbuka ule msemo wa’ngombe wa maskini hazai, kama akizaa dume ambalo nalo haliwezi kudumu.
Baada ya wiki moja kupita hatimaye
nilirudiwa na fahamu zangu kama kawaida, niliruhusiwa kurudi nyumbani, alikuja
mama, majirani na rafiki yangu Minza
akiwa na mwanangu Gift. Nilikuwa nimemkumbuka sana mwanangu.
Kutokana na wiki nzima kukaa bila kunyonya
kutokana na mimi kuzimia basi mama alinishauri nimuachie moja kwa moja.
Nilifanya hivyo. Nilirudi geto kwetu kwa Minza na kuendelea na maisha kama
kawaida.
Nini
kilifuatia baada ya Kecho kuruhusiwa kutoka hospitalini?
Kwa Ushauri Wa
Mahusiano, Mada Za Mahaba, Hadithi, Machombezo, Mikasa Ya Kweli Ya Mapenzi Na
Ujasiriamali. Jiunge na M&U SMS au M&U WhatsApp kupitia Na. 0657486745
au 0679979785.Pia tembelea www.miminauhusiano.blogspot.com, Insta:@mimi_na_uhusiano au tembelea ukurasa wetu wa Mimi na Uhusiano kwenye Bonyeza Hapa
Na.M&U
