NILIPOISHIA…
Niliporudi nyumbani Minza hakuwa ananijali
kwa lolote kwani aliendelea kuamini kuwa mimi ni mzigo kwake, basi akaamua
kuniambia kuwa natakiwa nijiandae hivi karibuni mpenzi wake anakuja?
ENDELEA NAMI…
Nilijifikiria sana pa kwenda sikupaona
nilichofanya ni kumwambia kuwa haina shida, nitajitahidi kutafuta kwa
kujihifadhi wala asijali.
Siku ambayo Minza alisema kuwa bwana ake
atakuwa amekuja, ikafika, lakini sikuona cha mwanaume wala dalili zozote kwa
Minza kusema akijianda kumpokea.
Vivyo hivyo kesho na hata kesho kutwa yake,
naamini alishindwa kunitimua moja kwa moja ila alichokuwa anakifanya ni
kunitafutia na kunifanyia visa ili niondoke mwenyewe.
Siku zikasonga tukiwa tunaisha kwa shida
shida hivyo hivyo, nilijitahidi kumzoea kwa sababu sikuwa na namna ya kufanya
ila ukweli niliumia sana kuna wakati nilikuwa najificha sehemu nalia weeeee,
hadi nachoka kuisha narudi nyumbani nikiwa kiaina kidogo.
Baada ya siku mbili Minza aliniaga kuwa
anakwenda kijijini kwao na atarudi baada ya siku tatu, nisiwe mnafiki nilipumua
niliona kama hizo siku tatu ni heri zingejiongeza na kuwa mwaka ili angalau
nipumzike na masimango ya Minza.
Pamoja na mimi kuwa nilisaidia pale kwa
minza lakini nilikuwa nimeishachoka kutokana na tabia zake na laiti kama
ningekuwa na pa kushika basi nisingeng’angania kuendelea kuishi naye, ila
sikuwa na pa kwenda, nikaona niwe tu na kiburi cha kujilazimisha.
Ikiwa nimepita siku moja baada ya Minza
kuondoka, nikiwa niko nyumbani na mwanangu nakoroga uji, mara nilishangaa
vijana watatu wakawa wameniibukia tu vupu! Sikujua ni wapi ambapo walikuwa
wametokea kwani sura zao kwangu zilikuwa ni ngeni kabisa.
Vijana
hao ni kina nani na wanataka ni kwa Kecho na kwa nini waende usiku? Usikose
kesho muda kama huu.
Pia tembelea www.miminauhusiano.blogspot.com, Insta:@mimi_na_uhusiano au tembelea ukurasa wetu wa Mimi na Uhusiano kwa ku-Bonyeza Hapa
Na.M&U
