ILIPOISHIA…
Ilipofika saa 12:30,
Matrida alimaliza usafi wake wa nje na kubakiwa na usafi wa ndani, wakati
akijiandaa kuingia ndani, akiwa bado yupo mlangoni amekaa kwa uchovu wa kazi ya
siku hiyo akiwa anafikilia kufanya kazi iliyo baki lakini pale alipokaa kama
hatua tatu kuna kitu alikiona mbele yake.
SONGA NAYO
Kumbe alikuwa ni ndege aina ya njiwa
mwenye rangi tatu, bluu, kijani na
nyeupe, ukweli ndege yule alimvutia sana Matrida.
Ndege yule alionekana
nakitembea kwa kuchechemea kuashilia kuwa mguu
wake mmoja ni mbovu, Matrida alimuonea huruma yule ndege, alimchukua na
kuingia naye ndani na kumuweka chumbani kwake, alimpa maji njiwa yule na
kumtafutia nafaka kwa ajili ya chakula.
Ilipofika saa 1:15 asubuhi
wakati akiendelea kumpa chakula ndege yule, huku akiendelea kumuuliza maswali
mbalimbali “Wewe ndege kwa nini upo hapa?
Umeumia hivyo na umetokea wapi?” Kama ilivyo kawaida ya mtoto ziku zote,
alizidi kumuuliza yule njiwa “Hutaki kunijibu si ndiyo, basi mimi sitakuwa
rafiki yako.”
Baada ya Matrida kumuuliza
ndege yule maswali mengi, yule ndege alitoa sauti na kusema: “Sikuwahi kupata
rafiki kama wewe Matrida, asante sana kwa msaada wako, umenijali sana, kwa
kunipa chakula na maji.” Ndege aliruka na kumponyoka Matrida. Matrida akabaki
kumtazama yule ndege hadi akapotea machoni mwake.
Ilipotimia saa saa 2:00
asubuhi, mama na baba yake Matrida walikuwa wameshaamka na kukuta Matrida
amemaliza kazi zote. Ilipofika saa tano asubuhi ni muda maalumu wa baba na mama
yake Matrida kuelekea kazini, Matrida alikuwa ameketi kwa nje, baba na mama
wapotoka nje wakamkuta Matrida akicheza, mama alimwambia Matrida “Sitaki ucheze
nje ukaacha mlango ukiwa wazi embu nenda
ukakae ndani.”
Matrida alipoambiwa vile
akasema “ Mama muda wote nikae ndani tuuuuhh, aahh!!! Mimi nipo hapa nacheza” mara baba alikerekwa,
alimpiga kibao Matrida baada ya kumjibu vile mama yake na kumwambia.
Pia tembelea www.miminauhusiano.blogspot.com, Insta:@mimi_na_uhusiano au tembelea ukurasa wetu wa Mimi na Uhusiano kwa ku-Bonyeza Hapa
Na.M&U
