NILIPOISHIA…
Baada ya
mchungaji kunisikiliza akadai itakuwa ni vyema kama watamuona mtu (Bro G)
ambaye alinisaidia kuniunganisha na dada mtangazaji.
siku hiyo nakumbuka nilisimamishwa mbele ya
waumini.
ENDELEA…
Mchungaji alizungumza
na waumini wake kisha akaomba nielezee mwenyewe kuhusu matatizo niliyonayo na
kile inachokihitaji, niliona kama aibu fulani lakini nilikaza moyo nikaamua
kufunguka kila kitu.
Nilipokuwa nikizidi kusimulia kila mtu
nilimuona akiwa ameshikwa na huzuni, waumini wakike walionekana kunongonezana
na kuwalaumu wanaume kuwa ni watu wenye roho mbaya sana na wamekuwa chanzo cha
wanawake wengi kutaabika.
Halikadhalika hata wanaume nao walionekana
kushikwa na imani dhidi ya mambo ambayo nilikutana nayo, hadi kufikia kuishi
kwa dada mtangazaji ambaye ndiye haswa ameniunga nao.
Baada ya kuzungumza kwa muda mrefu nilijikuta
nikianza kulengwa na machozi kwani kuna mambo ambayo sikupenda kuyakumbuka
wakati wa kusimulia kwa sababu yalikuwa yananikumbusha mbali sana.
Mchungaji
alinisogelea na kuanza kunipigapiga begani kwa ishara ya kuninyamazisha,
nililia kwa uchungu, basi wakaja wahudumu wa kanisani wakanitoa na kunipeleka
pembeni na kuanza kuninyamazisha.
Mchungaji alianza kuzungumza na waumini wake
na kuwaeleza kuwa kuwa wao wamebarikiwa lakini ni vyema wakajua kuwa kuna watu
wengine wanahitaji msaada mkubwa sana kutoka kwao, na wao ndiyo watu
wanaotakiwa kuwasaidia. Kwani Yesu akuja duniani kwa ajili ya wale waliookoka
au wenye uzima bali wasiookoka na wenye matatizo ili wapate kupona.
Mchungaji
akaomba waumini wafanya harambee kwa ajili ya kunisaidia mimi na mtoto wangu.
Msimamizi wa sadaka akaleta chombo cha sadaka na kuweka pale mbele, kisha
waumini wakaanza kupita mbele na kuweka sadaka au harambee.
Nini
kilifuatia, je, alipata harambee ya
kiasi gani?
Kwa Ushauri Wa Mahusiano, Mada Za Mahaba,
Hadithi, Machombezo, Mikasa Ya Kweli Ya Mapenzi Na Ujasiriamali. Jiunge na
M&U SMS au M&U WhatsApp kupitia Na. 0657486745 au 0679979785.Pia tembelea www.miminauhusiano.blogspot.com, Insta:@mimi_na_uhusiano au tembelea ukurasa wetu wa Mimi na Uhusiano kwa ku-Bonyeza Hapa
Na.M&U
