NILIPOISHIA...
Usiku kucha nilikuwa nafikiria ni kwa namna gani
ninaweza kupata msaada, baada ya kuwaza sana hatimaye nilipata wazo ambalo
niliamini kuwa linaweza kunisaidia.
ENDELEA NAMI...
Nilimkumbuka yule mkaka ambaye ni mtangazaji wa redio
ambaye aliniunganisha na Jamaa mmoja ambaye alijaribu kunitafutia msaada kwa
Madam Rita ila ikashindikana.
Nilimpigia simu yule mtangazaji na kumueleza kuwa
NIMETELEKEZWA GESTI NA MWANAUME NIKIWA NA MTOTO WANGU, alisikitika sana akaniambia
ngoja ajaribu kuangalia ni kwa namna gani anaweza kunisaidia kwani kipindi
hicho yeye alikuwa nje ya mkoa.
Alichofanya ni kuniunganisha na yule kama ambaye
aliwahi kutaka kunisaidia. Mtangazaji alinitumia namba ya yule mkaka
nilipoiandika kwenye simu yangu nikashangaa kwani namba nilikuwa nayo.
Nikashusha pumzi na kujiuliza huyu kaka kuna wakati
alitaka kunisaidia ili ilishindikana kweli atanipa msaada tena. Niliendelea
kujiuliza pale kitandani, nikiwa na mtoto wangu.
Ni takribani siku zote nilikuwa nakula kwa kuungaunga
kwa kupewa chochote na wasamaria wema kwani sikuwa na namna ya kupata pesa.
Mwanangu mkuu uliendelea kumsumbua kwani ulikuwa
unamuwasha sana kwa sababu alikuwa amenyooshwa na kufungwa POP.
Hakuwa anapata chakula cha kutosha, sikuwa naweza
kumnyonyesha kwa sababu maziwa hayakuwa yanatoka kwa sababu sikuwa napata
chakula kinachozalisha maziwa kwa wingi.
Ilifika sehemu mtoto wangu nikawa namnyweshwa tu juisi
ya mia tano siku inaisha. Nilimuona kama anaanza kukonda sana, niliumia sana
moyoni mwangu, nilikumbuka maisha yangu ya awali, niliyokuwa nayo,
nilivyolaghaiwa na Maiko nikampa penzi.
Niliendelea kuwaza na kuwazua mwisho nikaamua tu
kumpigia simu yule kaka ambaye namba
yake nimepewea na mtangazaji wa redio.
Nilipiga sana simu yake ikawa inaita tu. Mwisho
nikakata tamaa. Nikaamua kupotezea tu.
Je, nini kilifuatia baada ya kupiga simu ya mtu
anayeamini kuwa anaweza kumsaidia lakini hapokei simu?
Pia tembelea www.miminauhusiano.blogspot.com, Insta:@mimi_na_uhusiano au tembelea ukurasa wetu wa Mimi na Uhusiano kwa ku-Bonyeza Hapa
Na.M&U
