NILIPOISHIA...
Kwanza yule kaka alianza kwa kunipa pole na ushauri
ambao ulianza kunijenga katika fikra zangu, kisha akaniuliza maswali m kadha
kwa kadha ikiwemo…
ENDELEA NAYO…
Je, niko tayari kutoka kwenye vyombo vya habari kama nilivyomwambia awali, nikajibu ndiyo
akaniuliza kwa nini ninadhani vyombo vya habari
vitanisaidia, nilimueleza kuwa sina namna kwa sababu nina shida,
nahitaji mtoto wangu apate huduma ya kunyooshwa na kupona mguu, sipendi kumuona
mtoto wangu akiwa mlemavu.
Na nimekuwa nikiona watu wengi wakisaidiwa kwa njia ya
vyombo vya habari basi alikubaliana na mimi , akawaanda wale watu wenye vifaa
na kuanza kunifanyia mahojiano kuhusu maisha yangu mwanzo mwisho.
Mwisho aliniuliza swali nimejifunza nini kutokana na
tukio hilo? Nilijikuta nikianza kutoa machozi mbele ya kamera na nikamjibu kwa
kilio cha kwikwi “wa na u me si yo watu wa zuri, wanapokuwa wanakutaka wako
tayari kufanya kitu chochote lakini akishafanikisha basi anakuacha na
kukutelekeza, wanawake wenzangi tuwe makini sana na wanaume.” Alimaliza Kecho.
Hata yule kaka niliona kama aliguswa na yale
maneno na kilio kile, basi
alininyamazisha pale ,muda wote wakati tunafanya mahojiano Gift alikuwa macho
na alikuwa akisumbua sana nahisi njaa ilikuwa ikimuuma, nilimwambia yule kaka
kuwa tatizo ni njaa akaniuliza kwani nini anampa mtoto ili kutuliza njaa yake, nilimwambia huwa namnunulia juisi ya
embe ya mia sita kisha nampam kwani sina
pesa.
Kweli mule ndani kulikuwa na chupa nyingine ya juisi,
na kopo dogo la poda na kimkoba kidogo ndivyo hivyo vilikuwa mezani. Aliagiza
juisi nyingine ili nimpe mtoto wangu na kweli aliacha kutusumbua akatulia kisha
tukamalizia mahojiano yetu.
Yalikuwa ni mahojiano yenye maswali ya ndani zaidi,
sikuwa na aibu ni kama mfupa wa aibu ulikuwa umekatika, nilifunguka kwa sababu
nilitaka msaada.
Yule kaka alipomaliza mahojiano akanisaidia pesa
kidogo kwa ajili ya kula na alitaka kuhakikisha natoka mule gesti ili kuepusha
gharama za chumba.
Je,
yule mkaka atampeleka wapi Kecho, wakati yeye anaishi kwenye chumba kimoja na
yuko peke yake? Usikose kesho.
Pia tembelea www.miminauhusiano.blogspot.com, Insta:@mimi_na_uhusiano au tembelea ukurasa wetu wa Mimi na Uhusiano kwa ku-Bonyeza Hapa
Na.M&U
@@@
