Mpenzi
msomaji nikukaribishe katika siku nyingine katika kujadiri mada za mahaba. Leo
nitazungumzia wale ambao wameachwa na wapenzi wao lakini mpaka kesho kutwa
hawajajua ni kwa nini wameachwa!
Kimsingi
kila kitu ili uweze kukifanya kwa uhakika ni vizuri sana kukifanya huku
ukiwa unakifahamu kwa undani hii itasaidia wewe kujua kile ulichokuwa
unakifanya na unachokifanya. Kama ni biashara basi isome kwa kujifunza sio
mpaka uende darasani, kama ni mpenzi ni vizuri sana ukapata muda wa kumsome
mpenzi wako ili hata kama utaingia kwenye uhusiano utakuwa unamfahamu A-Z.
Wapenzi
wengi wamekuwa wakipata wakati mgumu sana pindi wanapoachwa na wapenzi wao
baadhi wamejikuta wakiangukia kwa wapenzi wapya ambao pengine walikuwa
hawawapendi au hawakuwahi kuhisi kama watajihusisha nao katika suala zima la
uhusiano.
Wakati huo kuna wengine wamejikuta wakiingia kwenye uhusiano mpya na
kufurahia penzi jipya kwa kumpata mtu sahihi ambaye kimsingi amerudisha huzuni
yake iliyopote kwa muda mrefu lakini pia wapo wengine ambao wameangukia
za uso kwa sababu tu hawakupata muda wa kujiuliza ni sababu zipi zilichangia
wao kuachwa au kuachika. Kwa kufanya hivyo amejikuta akikurupuka na kujiingiza
kwenye uhusiano na mtu ambaye si sahihi.
Muungwana
anapokosea kitu hata kama alibisha kwa kiburi cha kibinadamu , pesa, elimu,
ubavu na mengineyo ila akipata muda wa kutafakari mambo yote aliyoyafanya siku
nzima, anajitahidi kujiuliza Je, nini chanzo ya kile kilichotokea? Je, yeye
ndiye mwenye makosa au aliyemuacha? Na kama ndiye amejipangaje kuanzisha
uhusiano mpya kwa kukwepa sababu au chanzo cha yeye kuachwa?
Kwa
mfano kama mwanaume ni mlevi kupindukia basi anajitahidi kupunguza au kuacha
kabisa kama ni mwanmake ambaye alikuwa kila kukicha ni kiguu na njia basi
anapunguza au kuacha kabisa na anafanya hivyo ili aende sawana mpenzi wake.
Jifunze
kujifanyia tathimini kwa kila jambo iwe maisha ya mapenzi kwa maana ya kukubali
kama umekosea lakini pia maisha ya kibiashara kukubali pindi unapopata hasara
ili kuweza kujua ni namna gani awamu ijayo haupati hasara.
Pia tembelea www.miminauhusiano.blogspot.com, Insta:mimi_na_uhusiano au tembelea ukurasa wetu wa Mimi na Uhusiano kwenye Bonyeza Hapa
Na.M&U
