VYANZO VYA MTAJI

Vipo vyanzo vingi sana vya mtaji ambavyo vinaweza kukusaidia wewe mjasiriamali mdogo mdogo kutoka hapo ulipo na kufikia mafanikio unayoyawaza. 

Ingawa sehemu kubwa ya mtu au watu wanaotaka kuwa wajasiriamali, swali lao kubwa na gumu huwa ni namna  gani anaweza kupata mtaji wa kuanzisha biashara.

Kiukweli kama unataka kuwa mjasiriamali unapaswa uthubutu na kuumiza sana akili namna ya kupata mtaji.

Vyanzo vya mtaji inaweza kuwa ni;

Hisa za mmiliki

Kama umekuwa na tabia ya kuwekeza  na umewekeza kwa muda sasa unaweza kuchukua sehemu ya hisa zako nakuzifanya kuwa mtaji wa biashara inategemeana na aina ya biashara unayotaka kuifanya.

Mikopo

Kukopa kwa ajili ya kufanya biashara si jambo baya kama utakuwa umejipanga vilivyo katika kutimiza na kuifanyika mkopo huo wa fedha au vitu, ingawa wengi sana wanaema sio nzuri kwasababu wanakopa kwenda kufanya vitu vya starehe na sio walichokikusudia.

 

kudunduliza kidogo kidogo.

Mtaji mzuri ni ule wa kuutafuta wewe mwenyewe kwa kukusanya fedha kidogo kidogo ‘kududuliza’ unaweza kuanza kwa kutengeneza ‘kiboksi bubu’ na ukawa unaweka japo mia mbili kwa siku baada ya muda utajikuta una pesa nyingi ambazo zitakuwezesha kuanza biashara. Kama mtaji utakuwa uliudunduliza mwenyewe unakuwa na uchungu sana pia itakufanya kuwa makini na kuongeza mbinu za kuulinda mtaji huo ili usiporomoke kiaina aina.

Benki

Hili halina utofauti sana na mikopo, karibu benki zote huwa na vitengo vidogo vidogo kwa ajili ya kushughulikia wafanya biashara wadogo wadogo, ila ni lazima uwe na vigezo ili kuweza kukidhi kuwa mkopwaji ni lazima uwe na; mchanganuo wa biashara yako (Busness Plan), udhamini na vinginevyo. Na mwisho ni lazima urejeshe riba na mkopo uliopewa.

Familia au rafiki

Mtaji pia unaweza kuupata kwa kusaidiwa na familia au rafiki yako, ili waweze kukusaidia ni lazima uwaonyeshe ni kwa namna gani umedhamilia na unaweza kuimudu biashara hiyo, kwa kufanya hivyo ni rahisi sana kukusaidia mtaji wa kuanzia.

Taasisi za serikali

Katika sekta nyingi za serikali kuna vitengo maalumu kwa ajili ya kutoa mikopo kwa vikundi mbalimbali vikiwemo vya ujasiriamali na vya vijana. 

 

Mashirikia yasiyo ya kiserikali

Hali kadhalika hata mashiriki yasiyo ya kiserikali nayo yanahuduma ya kutoa mikopo kwa vikundia au wajasiriamali wadogo, kikubwa ni kujua namna gani ya kuweza kupata mkopo huo, usiogope masharti au muda mrefu wa kufuatilia.

Misaada

Hii ni sehemu pia ya kuweza kukufanya ukapata mtaji kwa ajili ya kuanzisha biashara yako, msaada mara nyingi huwa hauna mrejesho, ukipewa umepewa.

Vyanzo vingine

Vipo vyanzo vingi kama nilivyosema awali, vingine ni kama shamba, aridhi, miti, mawe na kadhalika.

Angalizo sehemu kubwa ya Watanzania wengi hawapendi kusumbukia au kujihangaisha ili kuhakikisha anatimiza ndoto yake, mitaji iko mingi unachotakiwa ni kuifuatilia ilikuweza kujua ni mikakati ipi unapaswa kuifuata iliufanikishe.

Kwa uzembe huo ndiyo maana mafisadi wengi wanaibuka kila siku kwa kuanzisha taasisi, vikundi na makapuni hewa ili kupiga hela hizo.

Zinduka, funguka anza mwanzo mpya.

Kwa Ushauri Wa Mahusiano, Mada Za Mahaba, Hadithi, Machombezo, Mikasa Ya Kweli Ya Mapenzi Na Ujasiriamali. Jiunge na M&U SMS au M&U WhatsApp kupitia Na. 0657486745 au 0679979785

 Pia tembelea www.miminauhusiano.blogspot.com, Insta:mimi_na_uhusiano au tembelea ukurasa wetu wa Mimi na Uhusiano kwenye Bonyeza Hapa.

Na.M&U