Jina langu ni Zuhura ni binti wa miaka 19, ni
mwanachuo ambatye natarajia kumaliza ngazi ya cheti hivi karibuni kwenye moja
ya chuo kilichopo jijini Mbeya.
Niko kwenye uhusiano wa mapenzi na mchumba wangu kwa
miaka minne sasa, yeye ana miaka 24 na ndiye aliyeniingiza kwenye utamu wa mapenzi.
Mimi ni mtoto pekee katika uzao wa mama na baba yangu,
kwa sasa naishi na bibi na babu, kwa sababu baba yangu mzazi huwa anaishi nje
ya nchi.
Baba alitamani sana niende nje nikakae naye pamoja na
kusomea huko lakini nilikataa, baba alikubali na kunisihi nisifanye mzaha
katika maisha yangu na ikitokea nikafanya basi atanichukia sana.
Baada ya kusikia nategemea kumaliza awamu ya kwanza ya
masomo hivi karibuni baba ameanza kufanya maandalizi ya mimi kwenda nje ya nchi.
Kiukweli mimi siko tayari kuondoka Bongo kwani sitaki kulikosa penzi la mchumba
wangu, niko tayari kuolewa na yeye, na hata yeye karidhia.
Ninachokifiria kwa sasa ni kubeba ujauzito wa mchumba
wangu ili wazazi wangu wakubali kuniozesha kirahisi na nisiende nje ya nchi.
Ungekuwa wewe ndiye mimi ungefanyaje, au unanishauri
nini kwa kile ninachokifikiria?
Kwa
Ushauri Wa Mahusiano, Mada Za Mahaba, Hadithi, Machombezo, Mikasa Ya Kweli Ya
Mapenzi Na Ujasiriamali. Jiunge na M&U SMS au M&U WhatsApp kupitia Na.
0657486745
Pia tembelea www.miminauhusiano.blogspot.com, Insta:mimi_na_uhusiano au
tembelea ukurasa wetu wa Mimi na Uhusiano kwenye Bonyeza Hapa
Na.M&U
