NILIPOISHIA…
Mama aliendelea kunisisitiza kusukuma kwa
nguvu, nikawaza nilivyomsumbua mama yangu kisa kikiwa ni raha zangu na Maiko,
nikajikuta nasukuma mtoto kwa hasira.
ENDELEA NAMI…
Mama akampokea mtoto na kumfuta hatimaye,
nikasikia sauti ya kichanga kikilia, ng’a ng’a ng’a ng’a nikasahau hata maumivu
yale ya kusukuma nikamwambia mama namuomba mtoto wangu, nikiwa nashauku kubwa
sana ya kumbeba, mama ananiambia nisubiri kwanza amsafishe mtoto, akafanya
hivyo kisha akamuweka pembeni na kuanza kunisafisha mimi pia.
Basi mama akanikabidhi mtoto wangu,
nikakimbisu, kilikuwa ni kitoto cha kike, nilifurahi sana, wakati huo kitovu
kilikuwa kinaning’inia tu.
Hatukuwa na namna zaidi ya kuanza safari
ya kurudi nyumbani huku nikitembea taaratibu. Ilibidi nijikaza tu kwa safari
hiyo kwani ni kama tulikuwa tumefika nusu ya safari ya kwenda zahanati au
kurudi kijijini, kwetu ikawa bora kurudi kijijini.
Hatimaye tulifika, mama akaingia jikoni na
kuchemsha maji ya moto akaanza kunikanda wakati huo akiwa ametengea chungu cha
uji, alipomaliza kunikanda akanipa uji, nikaanza kunywa, nikukweli nilikunywa
sana kwani tumbo nililoona kama lina nafasi kubwa kuliko nilivyokuwa na
ujauzito.
Baada ya siku tatu baba akawa amefika pale
nyumbani na kukuta nikiwa nimjifungua, hakuwa na msaada wa kitu chochote kwani
kuna wakati hata pesa ya kula alikuwa aachi na hivyo nilijikuta nikishinda njaa.
Kushinda njaa kwa kuwa ilikuwa ni sehemu
ya maisha yangu niliyokulia, haikuwa shida sana ila shida ni kuwa nimetoka
kujifungua na nilipaswa nile nishibe ili nipate maziwa ya kunyonyesha mwanangu
lakini hakuwa hivyo kwa hiyo nilipopata nilikula nilipokosa nilishinda au
kulala njaa.
Miezi mitatu ilipita bila mtoto kupewa
jina, akaendelea kunisumbua sana ikiwa mtoto ni wa kulialia tu mara kuugua, nikaamua
kwenda tena kule center kwa jili ya kumtafuta Maiko kwenye simu.
Kecho alifanikiwa kumpata Miako kwenye
simu baada ya kufika center?
Kwa
Ushauri Wa Mahusiano, Mada Za Mahaba, Hadithi, Machombezo, Mikasa Ya Kweli Ya
Mapenzi Na Ujasiriamali. Jiunge na M&U SMS au M&U WhatsApp kupitia Na.
0657486745 Pia tembelea www.miminauhusiano.blogspot.com, Insta:mimi_na_uhusiano au
tembelea ukurasa wetu wa Mimi na Uhusiano kwenye Bonyeza Hapa
Na.M&U
