NILIPOISHIA….
Mawifi waliingia ndani na kunikusanyia
kila kilichokuwa changu na kunitupia nje, nililia sana. Wakaanza kunisukuma
huku wakiniambia nikamchukue na kidudu washa wangu (mwanangu Gift). Nilishangaa
wifi mkubwa aliingia ndani ambapo mtoto alikuwa amelala akamuamsha na kumbeka
kisha kuja kunitupia.
ENDELEA NAMI….
Sikuwa na namna ilibidi nikubaliane nao na kuanza
kuondoka, huwezi amini nilifukuzwa mbele ya majirani tena jua kali, ambalo
lilimchoma vibaya mwanangu, kwani sikuwa na mwamvuli wa kuweza kumkinga
mwanangu na jua lile, (anaanza kulia kwa sauti ya kwikwi), kama walikuwa
hawanitaki mimi niolewe na ndugu yao, vipi kuhusu damu yao, Gifti, nina uhakika
wa asilimia zote kuwa ni damu halisi ya Maiko, au wanataka niwalele na
kuwakuzia kisha baadaye waje waseme ni damu yao nwahitaji kumsomesha na
kumtunza, nilishangaa sana unyama wa
familia ile.
Nilianza kuondoka taaratibu huku akilini
mwangu nikiwaza na kuwazua namna ambavyo nitakutana na ugumu wa maisha,
nilipojaribu kumpigia simu Maiko, simu yake ilikuwa bize muda wote, sikuwa na jibu
la nini chakufanya zaidi ya kuondoka tu, kwani kazini kwake Maiko sikuwa
napafahamu, hata kama ningekuwa napafahamu kwa jinsi ambavyo amekuwa akinijibu
ni dhahili naye anahusika katika mpango huo wa kunitimua kinyemela.
Kwani pamoja na kumueleza mara kwa mara
juu ya changamoto na mambo ambayo ndugu zake wamekuwa wakinifanyia lakini bado
hakuwa na msaada wowote kwangu zaidi ya kunikandamiza mimi na kunipiga tu kwa
madai kuwa nataka kumtenganisha na mama yake, eti mimi ndiyo nitakuwa mkorofi
na siyo ndugu zake.
Niliondoka saa 7 mchana jua kali, hata
chakula cha mchana sija, majirani karibu mtaa mzima walitoka nje kunitazmani
kwani nilifukuzwa kama mbwa tena kwa sauti kubwa sana, na maneno ya kejeli eti mimi mwanahizaya nalazimisha
kuingia kwenye ukoo wao.
Taratibu niliondoka katika nyumba ile huku
majirani wakiniangalia wengine wakinionea huruma kwa jinsi nilivyofukuzwa kama
mbwa, ningawa wengine walinishangaa sana kutaka kuolewa katika familia ile
kwani kwa wakati wa mtaa ule wanaifahamu vyema. Na pengine ndiyo maana Maiko
akaja kuniokota mimi wa Pwani.
“Nilijifunza kitu, mapenzi yakukutana tu
mitaani na kuchukuana ni mabaya sana laity kama ningelijua hilo mapema
nisingekubali kushirikia naye tendo la ndoa ningemchunguza zaidi ya vile
nilivyomchunguza pengine ningegundua kitu.
“Lakini ndiyo tayari nimeishaliwa, sina
namna, nihesabu fungu la kukosa nikaanze maisha mapya kuliko kuendelea
kuteseka, kama wameweza kumtafutia mke mtoto wao watashindwa kweli kunipa sumu
kwa sababu namng’angania mtoto wao. Kama ni umaskini nimezaliwa nao, acha
niendelee kuwa nao tu,”nilizidi kuwaza kichwani.
“Samahani dada eti……
Je,
ni kitu gani Kecho anataka kuuliza na mdada mpita njia?
Kwa Ushauri Wa Mahusiano, Mada Za Mahaba, Hadithi,
Machombezo, Mikasa Ya Kweli Ya Mapenzi Na Ujasiriamali. Jiunge na M&U SMS
au M&U WhatsApp kupitia Na. 0657486745 au 0679979785
Pia tembelea www.miminauhusiano.blogspot.com,
Insta:mimi_na_uhusiano au tembelea ukurasa wetu wa Mimi na Uhusiano kwenye Bonyeza Hapa
Na.M&U
