NILIPOISHIA…
Nilizidi kuumia kutokana na maneno ya
wanakijiji hasa wakiwemo wanaume ambao waliwahi kunitaka kimapenzi, mwili ulianza kudhoofika kwa sababu
ya mawazo, nikijiona kama mkosaji sana.
Miezi kadhaa ilipita huku Maiko akiwa hana
msaada wala mawasiliano yoyote na mimi pamoja na kumwambia kuwa nilikuwa na
ujauzito wake. Niliendelea na maisha yangu pale kijiji, huku maisha yenyewe
yakiwa ni ya shida na kubangaiza kwa wingi, sikuwa na namna nilikuwa nimeachwa.
Siku za kujifungua zilizidi kusogea huku
nikiwa sina akiba yoyote ya pesa wala vifaa kwa ajili ya kujifungulia, nilizidi
kuumia sana, niliona kama dunia inazidi kunielemea.
Kuna wakati mama alikuwa akipata wakati
mgumu sana wa kunibembeleza kutokana na kunikuta nikilia mara kwa mara.
Namshukuru sana mama yangu kwa kunitia
faraja katika kipindi chote kigumu ingawa hata yeye maisha yake yalikuwa ni
magumu sana kwani niliona baba wa kambo alivyokuwa anamfanyia mama yangu mzazi.
Nilifika sehemu nikaamini akilini mwangu
kuwa akili na tabia za wanaume wote duniani ni zilezile.
Kuna kipindi nilianza kuhisi kama tumbo
linanisumbua, na wakati mwingine nyonga zilikuwa zinabana sana, kiuno nacho
kinauma kweli kweli.
Sikuwa na namna zaidi ya kuvumilia maumivu
yote yale huku nikiomba Mungu kuninithuru na makubwa zaidi, yote hayo ni
kutokana na kukosa pesa kwa ajili ya kunipeleka hospitalini ambapo kutoka kwetu
kuna umbali kidogo.
Kuna siku hali ilikuwa mbaya sana nikahisi
kama mtoto anataka kujifungua, ikabidi niikongoje hadi shambani kwa mama na
nilipofika nikawa nimeangua pale shambani, mama akaja anakimbia na kuniokota,
kisha akanipatia kikombe cha uji aliokwenda nao shambani. Ndipo nikapata nguvu
kidogo mama akaamua kunikokota.
Mpenzi msomaji, usikose kesho kujua ni
wapi mama Kecho alimkokota mwanaye kuelekea wapi?
Kwa
Ushauri Wa Mahusiano, Mada Za Mahaba, Hadithi, Machombezo, Mikasa Ya Kweli Ya
Mapenzi Na Ujasiriamali. Jiunge na M&U SMS au M&U WhatsApp kupitia Na.
0657486745 Pia tembelea www.miminauhusiano.blogspot.com, Insta:mimi_na_uhusiano au
tembelea ukurasa wetu wa Mimi na Uhusiano kwenye Bonyeza Hapa
Na.M&U
