NI jambo la kumshukuru sana Mungu kwa wapenzi wasomaji
wa Xxlove kukutana tena, wiki iliyopita tulizungumzia juu ya hakuna haja ya
kuhuzunika kwa kuachwa, bali jipe moyo kwa sababu utampata akupendaye. Leo
napenda tujifunze namna ya kufanya ili kumpata atakayekufaa kama mwandani wako.
Miongoni mwa fumbo ambalo majibu yake huwa ni magumu
kwa mwanadamu ni suala la kumpata mtu anayefaa katika uhusiano wa kimapenzi
kama mume au mke.
Kidunia ni ngumu sana kufumbua fumbo hilo lakini kwa
Mungu ni jambo jepesi na rahisi sana.
Kwanza kabisa kabla ya kutafuta atakayekufaa na
kukupenda, wewe binafsi unapaswa kufanya yafuatayo;
Jiheshimu
Lazima ujiheshimu kwanza wewe na wengine watakuheshimu
tu bila kujali kipato, elimu, dini au jinsia yako, lakini kama utakuwa kinyume
kila mtu atakuogopa na kukukwepa kujihusisha na wewe.
Jitambue
Lazima ujitambue wewe ni nani? Unataka kuwa na familia
ya mama au baba wa aina gani? Kama utajitambua basi familia yako itakuwa ni ya
uzao wa kujitambua.
Jilinde
Unapaswa ujilinde kitabia na hasa matendo yako kwa
ujumla, ukiangalia vijana wengi sana wanajiingiza katika uhusiano wa kimapenzi
wakiwa bado wadogo.
Anayetaka mke au mume huwa anaangalia namna
unavyojilinda ili hata kama akikufanya mke au mume hatokuwa na wasiwasi juu ya
kukulinda kwani anajua unaweza kujilinda.
Acha umapepe
Vijana wengi wanaonekana kuwa ni mapepe na wasiotulia
na ndiyo maana hata suala la ndoa ni gumu kwa kizazi cha sasa. Hii
inasababishwa na vijana kuruka ruka sana na kusahau kuwa kuruka huko kuna shida
siku za usoni kama si magonjwa ya zinaa, utasa, ugumba basi kifo au kukosa mke
au mume.
Kwa mtu anayetaka kuoa au kuolewa ni lazima huanza kwa
kuichunguza familia ya muoaji na muolewaji kwanza kisha mlengwa na kama
ikibainika hata wazazi wake walikuwa ni waluwalu basi hakuna muoaji au
muolewaji.
Sidhani kama kuna mzazi anapenda mwanaye akateseke
katika ndoa yake kama pengine alivyowahi kuteseka au kuona familia nyingine
ikiwa katika hali hiyo.
Unaukumbuka wimbo wa “Manunga embe’’ ulioimbwa na
Kundi la Ngoni Tribe, kuna sehemu inasema “Wanawake wazuri wazuri wazuri
wameolewa, yamebaki manunga embe yanahangaika’’ kimtazamo wimbo ule ulikuwa
unazungumzia tabia nzuri ya mwanamke ndiyo inaweza kumfanya akapata mume, hata
mwanaume vile vile.
Pia tembelea www.miminauhusiano.blogspot.com, Insta:mimi_na_uhusiano au tembelea ukurasa wetu wa Mimi na Uhusiano kwenye Bonyeza Hapa
Na.M&U
