NILIPOISHIA…
“Maiko mpenzi wangu wangu mimi nimechoka
na maneno ya ndugu zako, kweli kila siku mpenzi wangu, mimi tu ndiyo nitakuwa
mkorofi?” Nilimuhoji.
SONGA NAMI…
“Wewe hujijui, si ndiyo,”
“Halafu naomba ukome kumsingizia mama
yangu kama umeshindwa kukaa hapa na mama , basi wewe rudi kwenu.” Hayo ndiyo
majibu ya Mume wangu.
Nilijaribu kila kila aina ya njia ili kuwe
na amani, lakini ilishindikana, nikazidi kuchokana sana, kwani siku kuimaliza
pale nyumbani ilikuwa ni kama mwaka, tena mwaka wenye mateso, yaani, mvua, jua
vyako, sijuii, kuumwa, kuuguliwa, kufiwa vyote vyako.
Nilijaribu kujifanya mpole na mnyenyekevu
kwa Maiko kwa wiki nzima, nikimpetipeti kwa kila aina, kila alipotoka kazini nilimpokea
kwa kumuwao bila kujali ndugu zake watasemaje, lengo langu lilikuwa ni kumuweka
karibu zaidi Maiko ili siku moja abadilike kifkra na achukue maamuzi yenye
busara ili tuweze kwenda sehemu nyingine kuanza maisha nje ya nyumbani kwao.
Kuna siku nilijifanya kuchukua maamuzi
magumu na kumwambia kuwa tuhame pale nyumbani kwao, kama hawezi kuhama basi
mimi nimwache na mtoto wake, akaseme niondoke hata muda ule ila niondoke na
mtoto wangu.
Nikanyanyuka kitandani, nikamsogelea Maiko
na kuingiza mkono wangu kwenye mkono wake aliokuwa amejishika kiunoni,
nikamwambia kwa sauti ya upole na yenye mahaba, “Maiko kipenzi change,
nakupenda sana lakini hapa kwenu si sawa kuendelea kuishi, wewe ni mtu mzima
sasa, una familia, unatakiwa na wewe kuwa na kwako, haiwezekani baby kwa umri
huu bado uwe unategema chakula cha kengele, ni heri tukalale njaa ila tuko
kwetu.”
Nikasukumwa, nakwambia, “ni kwa nini wewe
mwanamke unataka kunipanda kichwani, au umeishapata vibwana bwana uchwara huko
mtaani na ndiyo vinakupa kiburi, si ndiyo. “Huwezi kunitenganisha na familia
yangu, siwezi kuondoka kwenye nyumba ya bure nikapange, kama unalipa mwenyewe,
twende, pumbafu, kama hutaki, huwezi kuishi basi ondoka wewe,” akafunga
vishikizo vya shati lake kisha akaondoka.
Pia tembelea www.miminauhusiano.blogspot.com, Insta:mimi_na_uhusiano au tembelea ukurasa wetu wa Mimi na Uhusiano kwenye Bonyeza Hapa
Na.M&U
