ILIPOISHIA…
Maisha ya pale nyumbani nikaanza kuyaona
ni ya shida saana pengine ni nafuu hata na masimango ya baba wa kambo kuliko
kusimangwa na familia nzima, si mawifi, si mama mkwe hadi baba mkwe, inauma
kiukweli.
SONGA NAMI…
Baada ya miezi kadhaa kupita nikagundua
kuwa mguu mtoto wangu wa kulia ulikuwa umepinda ni kama mlemavu, yaani unyanyo
umegeuka pembeni, hata akikuwa hawezi kutembea kama mtu mwingine ambaye ni
mzima.
Nilimshirikisha Maiko katika hilo lakini
hakuonekana kujali, alidai yeye yuko bize na maisha, hivyo mimi kama mama ndiyo
ninawajibu wa kumwangalia mtoto. Niliumia sana moyoni mwangu kwani mtoto huyo
sikumpata peke yangu bali nilishirikiana naye kwenye mapenzi na ndicho
tulichovuna.
Niliendelea hivyohivyo kumsumbua kiasi cha
kuonekjana kero kwake, baada ya kumsumbua kwa muda mrefu kuna siku akanipatia
pesa kidogo, nikampeleka mtoto wangu hospitalini ila nikaambiwa kuwa kwa
Morogoro huduma hiyo haipatikani hadi niende jijini Dar Es Salaam ndiko
mwanangu anaweza kupata huduma nzuri zaidi.
Pamoja na kumshirikisha mwenzangu bado
alionekana halichukulii uzito suala hilo la mguu wa mtoto kupinda, nilizidi
kuumia sana. Nilifikiria sana juu ya mwanangu Gift anapopata mateso ukubwani
kama mimi mama yake nitazembea kama afanyavyo baba yake.
Misukosuko haikuishia nyumbani kwao Maiko
na mara nyingi mambo mengi yaliyokuwa yakitokea mimi ndiye niliyekuwa
nasingiziwa kuwa nimeyafanya. Ikafika sehmu Maiko akawa akirudi ananipiga sana
kwa madai kuwa nimemtukana au kumbishia mama mkwe, kipigo nilichokuwa nakipata
kinapelekea kunivimbisha mwilini na hata rangi yangu inabadilika unakuta jicho
au shavu jekundu, kwa sababu ya magumi niliyopigwa na Maiko.
Kwa kipigo kile mawifi na mama mkwe
walionekana kufurahia sana na wakati mwingine nilkikuwa nawasikia wakisema
watahakikisha hadi naondoka eti sifai kuwa mke wa kaka au mtoto wao, kwa
uanamke gani nilionao.
Je, mama mkwe na wifi yake watafanikiwa
kumtenganisha na Maiko?
Pia tembelea www.miminauhusiano.blogspot.com, Insta:mimi_na_uhusiano au tembelea ukurasa wetu wa Mimi na Uhusiano kwenye Bonyeza Hapa
Na.M&U
