Mwimbaji wa Muziki wa Injili Nchini, Jennifer Mgendi
Mwimbaji wa Muziki wa Injili Nchini, Jennifer Mgendi ameibuka kwa kuachia album aliyoibatiza jina la Nyuma ya Mlima.
Mgendi ambaye amewahi kutamba na wimbo wa Mchimba Mashimo
na Nalia ambazo zipo kwenye albam yake ya tano, amesema kuwa ameamua
kuachia album hiyo kama zawadi ya kuwatia moyo mashabiki wake wanaopita
katika magumu mbalimbali na pia ni utambulisho wa ya ujio wa filamu yake
mpya ya Baba Jackie ambayo imewasilishwa na Wimbo wa Tamaa Mbele.
Filamu ya Baba Jackie inatarajiwa kutoka muda wowote mwaka 2017.
"Nina kila sababu ya kufikisha ujumbe ambao Mungu ameweka
moyoni mwangu kwa walimwengu juu ya Uweza wa Mungu na kwamba atatuvusha
katika magumu yote. Album hii ni mwanzo wa ujio wa filamu yangu mpya
ya Baba Jackie ambayo imewasilishwa na Wimbo wa Tamaa Mbele" alisema
Mgendi.
Baadhi ya nyimbo zilizomo kwenye Album ya Nyuma ya Mlima
ni Tamaa Mbele (Baba Jackie), Penda Unapopendwa, Yesu ni Wathamani,
Mitihani ya Maisha na Ninawashukuru Adui(Kumpiga Teke Chura).
